علق محمد مجدي “الجون” لاعب الكرة الطائرة بنادي الزمالك، على إنتهاء ازمته مع الفارس الأبيض بعد تدخل هشام نصر المرشح لمنصب نائب الرئيس في الإنتخابات القادمة.
و تقدم محمد مجدي في وقت سابق بـ شكوى رسمية ضد نادي الزمالك بسبب تجاهل طلبات اللاعب بالحصول على مستحقاته المالية المتأخرة، و لم يحصل اللاعب على مكافأت الفوز ببطولة الدوري و الكأس عن الموسمين الماضيين إلى جانب عدم حصوله على مستحقات العقد الخاص به.
وأعلن المهندس هشام نصر “المرشح على منصب نائب رئيس نادي الزمالك” عن الإنتهاء من مشكلة نجم فريق الكرة الطائرة “محمد مجدي”.
وكتب محمد مجدي عبر حسابه الشخصي بموقع التواصل الإجتماعي” فيسبوك”:” الحمد لله والشكر لله، بفضل ربنا سبحانه وتعالي وبفضل ناس بتحب الزمالك، النادي اللي بفخر دايما بتمثيله كلاعب منذ ١٧ سنة وتشجعيه كمشجع تم التواصل معي لحل المشاكل التي كنت اواجهها الفترة الماضية وبدأ الحمد لله حلها”.
وأضاف: “وبناء عليه تم التنازل عن الشكوي التي تم تقديمها بعد مماطلة المجلس القديم في حل والتواصل مع لاعبين النادي اللي بيحبوا النادي وبيمثلوه وقدروا انهم يحققوا بعرقهم وتعبهم البطولات رغم كل الصعوبات اللي واجهناها الفترة الماضية”.
وأردف مجدي:” بداية أوجه الشكر للكابتن/ هشام نصر
الراجل اللي قدر محبي الزمالك انهم يوصلوا مشاكلي اللي بتتمثل في عدم حصولي علي مستحقاتي واللي تجاهلها كل المسئولين الفترة الماضية في حلها او التواصل مع أي مسئول يقدر يستوعب اللاعبين ويفهم مشاكلهم ويطمنهم، احنا في النهاية ورانا مسئوليات وأسر وعائلات وده مصدر رزقي..فمش عاوز حد يزعل مني ابداً لما بتلاقي نفسك قليل الحيلة بتضطر الظروف انك تعمل حاجات عشان حد يحس بيك”.
وأشار: “الأخ الكبير الكابتن هشام نصر..يصفته احد اهم لاعبين كرة اليد سابقا واللي ادري بمشاكل العاب الصالات بحكم احد ابناءها..تواصل معايا وقدر يحل مشكلة التجنيد كمان الخاصة بيه اللي ماكنتش ممكن تخليني امثل الزمالك، واليوم قدر بالتواصل مع اللجنة المؤقتة صرف جزء من مستحقاتي اللي باقيلها فترة طويلة جداً دون اي اجراء..وأثرت سلباً عليه نفسياً ومادياً ومعنوياً ..ورغم ذلك كنت بروح اتدرب استعداد للموسم الجديد لعل وعسي،”.
وواصل مجدي:” عشان كده بشكره جداً علي تفاعله واهتمامه لغاية ما قدر يرد جزء كبير من حقي معنويا وماديا ..وحسستني بقيمتي كلاعب اساسي في الفريق، بشكر كل الناس اللي قدرت تنقل مشاكلي وتحلها الفترة الماضية للناس المسئوله..الناس اللي فعلا اثبتت ان حبها للزمالك هو المحرك ليها بدون اي مصالح وانا حقيقة ماكنتش مستوعب الحب ده دون أي مصلحة واللي كانوا سبب كبير في حل مشكلتي بفضل الله..ورغم انهم ماكنوش حابين ده بس لازم اذكرهم عشان من لا يشكر الناس لا يشكر الله”.
وأردف: “بشكر المستشار محمد عطية اللي تواصل معايا وتفاعل بشكل كبير في المشكلة وكان دائم الاتصال بيه وحلقة وصل للكابتن هشام نصر.. وقدم دعم كبير جدا في المتابعة ديه، بشكر النقيب حسام مختار اللي قدر يفهم المشكلة وينقلها لأعضاء القائمة الموحدة ويربطنا معاهم، بشكر ا. ايمن لاشين محب الزمالك..اللي كان متواصل معايا وبيحاول يحل المشكلة المالية في القصة، وبشكر صديقي علاء عطا..المشجع الزملكاوي ..اللي قدر يفهم حجم المشكلة وكان اول حد يمكن فهمته ان خلاص ماحدش بيستجيب نهائي لمشكلتي..وقدر يوصلني بكل الناس اللي فوق و بيحبوا الزمالك فعلا ..وتابع معايا اول باول”.
وأختتم:” شكرا جمهور الزمالك العظيم علي دعمكم وحبكم.. وباذن الله هنكمل مشوارنا في رفعة النادي وتحقيق البطولات، عاش الزمالك”.
