أول رد من حسام المندوة علي هجوم مرتضى منصور ضد القائمة الموحدة !! – فيديو
علق حسام المندوة المرشح علي منصب أمين صندوق نادي الزمالك ، علي هجوم مرتضى منصور رئيس الزمالك السابق ضد القائمة الموحدة.
حيث قال حسام المندوة في تصريحات لبرنامج اللعيب عبر شاشة قناة ام بي سي مصر الفضائية : حديث مرتضى منصور عن أكاذيب القائمة الموحدة ؟ فين الأكاذيب ؟
وأشار : أنا بسأل فين الأكاذيب علشان ارد ، لكن مفيش حاجه اتذكرت ، لما يطلع المستندات وقتها أشوف وأرد.
وزاد : مش هدخل في سجال ، هو حددنا بالاسم وهاجمنا لأننا القائمة الأقرب للنجاح ، كل شخص له إيجابياته وسلبياته .
واستطرد : اللجان لها سلبيات و ايجابيات ، ومرتضى منصور له إيجابيات وسلبيات ، والسلبيات وصلتنا للحال إللي إحنا فيه دلوقتي واستقال المجلس.
وأتم : احنا في أزمة ودا مش وقت سجال ، الأهم حالياً العمل لحل أزمات نادي الزمالك إللي وصل لحال صعب ، ميرضيش مرتضى منصور نفسه .
شاهد الفيديو
وكتب مرتضى منصور عبر صفحته الرسمية : انتظرونا مرتضي منصور بعد طول صمت حفاظا علي استقرار النادي يرد بالمستندات علي اكاذيب اللجنة المزمع تعينها لتدير النادي برئاسة حسين لبيب المسماة قائمة موحدة ” قائمة كدة وكدة ” للتحايل علي القانون.
و تابع : هم يعلمون انها لجنة ستعين ويعلمون من الذكي الذي اختار هذه القائمة الوهمية وللاسف فاته ان شعب مصر وخاصة الزملكاوية اذكياء جدا وان 9 من اللجنة او القايمة الوهمية كانوا في اللجنة اللي خربت النادي منذ عامين او كانوا مرشحين في الانتخابات الماضية وقبل الماضية ورفضتهم الجمعية العمومية واسقطتهم جميعا .
