أكد إسلام الشاطر مقدم البرامج بقناة الأهلي، أن الأحمر لايتعاقد مع أي لاعب إلا من خلال القنوات الشرعيه عبر التفاوض مع النادي صاحب الحق في عقد اللاعب.
وقال إسلام الشاطر في تصريحات تليفزيونية عبر قناة “الأهلي”:” في كلام بيتم ترويجه من بعض مقدمي البرامج المعروف عنهم عدم المصداقية وعدم المهنية، بخصوص مفاوضات الاهلي مع لاعبين مرتبطين بعقود مع انديتهم”.
وأضاف: الأهلي لايتفاوض مع لاعب مرتبط بعقد مع ناديه، ولو عاوز بيكون التفاوض مع النادي بالقنوات الشرعية، ويبقى عارف إن اللاعب عاوز الأهلي ولا لا، والاساس بيكون النادي والاهلي علاقته جيده بجميع الانديه ومش بيجيب صفقات عن طريق لاكباري ولا غيره”.
وشدد الشاطر:” تخيل حضرتك ان في ناس بتقول ان إمام عاشور مشي من الزمالك للدنمارك علشان يجي الأهلي، حاجات غريبه بنسمعها “.
وأردف:” وحتى لو اللاعب مرتبط مع ناديه وعقده ينتهي في نهاية الموسم مثلا، فالأهلي يتفاوض مع الاعب في الفتره القانونيه،و مستعجلوش الاحداث بكلام من وحي الخيال لمحاولة انك تروج اخبار عن الاهلي علشان تعمل مشاهدات”.
وأختتم:” هنعمل تعاقدات في يناير الانديه الكبيرة كده بتدعم صفوفها باستمرار، واحنا لا ممنوعين من القيد ولا علينا فلوس ولا عندنا حاجه تمنعنا من عقد صفقات وهنلبي طلبات كولر”.
