بعد الحديث عن إصابته المزمنة.. مهاجم الزمالك ينفجر بوجه الجميع ويكشف تفاصيل حالته الصحية وماحدث معه!! – صورة
كشف يوسف حسن مهاجم الزمالك الشاب، تفاصيل الحالة الصحيه له بعد الحديث عن معاناته من إصابة مزمنه، بسبب غيابه عن المشاركة مع الفريق من الموسم الماضي.
وكان الزمالك قد أعلن الموسم الماضي عن ضم يوسف حسن مهاجم منتخب الشباب لدعم صفوف الفريق، ولكنه لم يشارك إلا في عدد قليل من المباريات وغاب بعدها للإصابة.
وإنتشرت تقارير صحفيه تفيد بأن يوسف حسن يعاني من إصابة مزمنه في الكاحل، ولذلك لايشارك مع الزمالك.
وكتب يوسف حسن عبر حسابه الشخصي بموقع التواصل الإجتماعي “فيسبوك”:” انا بس هتكلم كلمتين و الواحد ساكت متكلمتش من ساعة ماأصيبت انا ولا حد بيسال فيا ولا حد بيطمن عليا بدون ذكر اسماء”.
وأضاف:” انا مقصرتش مع حد ولا عمري حد شاف مني حاجه وحشه، اولا انا اتصبت ف ماتش المقاولون العرب في الكاحل، اتعالجت يومين وبعدين روحت منتخب الشباب اصيبت فيها تاني، و الاصابه تشخيصها اني عندي قرحه في الكاحل محتاجه ليزر وكل ما اكلم حد يقولي النادي مفهوش فلوس”.
وتابع يوسف:” انا بقالي خمس شهور قاعد في البيت مفيش حد عارف يعملي عمليه بـ150 الف جنيه لي درجة اني قولت عاوز فلوسي وانا هعملها علي حسابي “.
وشدد:” وتاني مره اقول حسبي الله ونعم الوكيل في الي قال انها إصابة مزمنه انت كده بدمرني، انا معملتش حاجه وحشه الي قال كده يثبت انها مزمنه وانا مستعد اعرض عليه التقارير والاشعات”.
وأختتم:” نفسي افهم ليه بيحصل كده انا مقصرتش بنقطة عرق واحده وانا بلعب مع النادي الزمالك، لعبت خمس ماتشات كسبنا الخمسه الحمدلله يعني مقصرتش باي حاجه، عامة انا في الانتظار. واحد مسؤلي النادي كلمني وهعمل العمليه وهرجع احسن من الاول باذن الله، وانا بحب جمهور الزمالك من قلبي فعلا شكرا”.
