بعد كثرة الشائعات.. أوسوريو يحسم الجدل بشأن طلبه تغيير الجهاز المعاون له في الزمالك!! – فيديو

كشف الكولومبي خوان كارلوس أوسوريو المدير الفني للزمالك، حقيقة طلبه تغيير الجهاز المعاون، وذلك في ظل إنتشار شائعات تشير إلى وجود خلافات بينهم وطلبه تغييرهم.

وقال اوسوريو في تصريحات تليفزيونيه ببرنامج جمهور التالته عبر قناة أون تايم سبورتس2″: “خلال الـ6 شهور الماضيه فترة وجودي بالزمالك عمري ماطلبت تغيير الجهاز المعاون لا في الغرف المغلقه ولاعلى الملأ”.

وأضاف:” انا المدير الفني وصاحب القرار الاخير، وقراري بيكون مبني على رأي الجهاز المعاون لي وكل فرد فيه”.

وشدد أوسوريو: “كابتن عبدالواحد السيد كان لاعب كبير سابق بالنادي وايقونه بالزمالك، ومدحت عبدالهادي كذلك لاعب كبير في المنتخب والزمالك وايقونه، وعبدالمنصف” اوسه” ايقونه ولاعب منتخب ايضا، وكابتن احمد مجدي له دور مهم في الجهاز ولايقل عن اي حد ولوكا ومدحت مسئولي الجزء البدني”.

وأردف:” احنا 2 كولومبين ومعنا 6 مصريين هم يعرفوا التقاليد المصريه اكثر وطبيعه اللاعب المصري، انا فاهم الكره العالميه اكثر ولكن هم عارفين التقاليد والكره المصريه، في كل مكان عملت فيه بيكون ناس من اهل البلد علشان بيكونوا على دراية اكبر بالحياه في البلد وبطبيعة اللاعبين”.

وأشار أوسوريو: “متأكد مليون ٪ان الجهاز المعاون كلهم بيحبوا الزمالك جدا وبيعملوا كل اللي يقدروا عليه لصالح النادي، وانا موجود من 6 شهور ومقتنع ان كلهم ناس محترفه ويعرفوا شغلهم كويس وعارفين الكره المصريه وبيطلعوا احسن ماعندهم علشان خاطر الزمالك”.

وأكمل:” مش شايف ان محتاج اجيب حد زياده على الجهاز المعاون، ومبسوط جدا معهم، انا وفريدي سعداء معهم وبنتعاون مع الجهاز المصري والمجهود اللي اتعمل ده انتاج كل الجهاز الفني “.

وواصل أوسوريو:” دكتور التغذيه جاء لتقويه الجهاز الطبي وهو مصري ايضا علشان يكون عارف نوعية الاكل، وعمل لكل لاعب برنامج لوحده ليحسن اداءه في الملعب”.

وأختتم: “واصريت ان يكون كل الجهاز مصريين وبحاول انا والمساعد التأقلم على العادات المصريه وبنحاول نشارك معلوماتنا مع المصريين ومستحيل أطلب تغيير الجهاز وزي مابتعلم منهم بنقل لهم معلوماتي”.