“حاولت أفشل الموضوع بكل الطرق”.. مدرب حراس المنتخب السابق يفجر مفاجأة مدوية عن تعاقد الزمالك مع أوسوريو
فجر زكي عبدالفتاح مدرب حراس منتخب مصر السابق مفاجأة من العيار الثقيل حول تعاقد نادي الزمالك مع الكولومبي خوان كارلوس أوسوريو، مشيرًا إلي أنه سعى في وقت سابق لإفشال صفقه تعاقد الفارس الأبيض مع أوسوريو.
وقال “زكي” :” لما عرفت بمفاوضات نادي الزمالك مع أوسوريو حاولت أفشل الصفقة قبل أن تتم لأني كنت شايف إنها إهدار مال عام نظرًا لمعرفتي بـ أوسوريو وطريقة تدريبه بحكم العيش في أمريكا، وذلك على الرغم إني كنت ضد مرتضى منصور”.
وأشار :” وقتها كلمت وكيل أوسوريو قولتله قول لـ أوسوريو رئيس النادي اللى موجود – مرتضى منصور – مش بيحترم المدربين ولو هيتغلب مباراتين هيعمله مشكلة، ولو مش مصدق روح الفيفا هتلاقي القضايا كلها الخاصة بالنادي رئيس النادي ده طرف فيها”.
وأضاف “عبد الفتاح” في تصريحات لبرنامج “اللعيب” على قناة “إم بي سي مصر” :” كمان كلمت إثنين من الإعلاميين المقربين من أمير مرتضى منصور وأخبرتهم إن المدرب ده اسلوب لعبه مش هيمشى في مصر”.
وتابع :” المدرب ده عنده مرض الجنون ومدعي العبقرية وشايف إنه عبقري زمانه، وبيشوف اللى محدش شافه غيره”.
وأختتم “زكي” :” لما قالوا لـ أوسوريو كده قالهم الراتب اللى هاخده في الزمالك مش هعرف اخده في أي مكان تاني سواء المكسيك او غيرها من الدول”.
