وجه هشام نصر نائب رئيس الزمالك، رسالة ناريه لحسن مصطفى رئيس الاتحاد الدولي لكوة اليد بعد قرار المحكمة الرياضة برفع الإيقاف عن نصر.
وقال نصر في تصريحات تليفزيونيه عبر قناة “أون تايم سبورتس”:” كنت مستغرب من قرار ايقاف اتحاد اليد، بعد مجلس ادارة متناغم وناجح جدا وكنا رايحين في ناحيه تانيه المفروض تدعمها، والرئيس السيسي نفسه قال اعملوا زي اتحاد اليد، ولكن اطردهم بره بادعاءات والحمدلله اتشال الايقاف وهاخد فلوسي”.
واضاف: “من حقي ارجع اتحاد اليد، وكان في اداعاءات مهينه، وحقي رجعلي، ولا حق يضيع وراءه مطالب، وانا زعلان جدا جدا ونفسي حد يقولي ليه؟ وكان نفسي رد الاعتبار يجي من بلدي، انا اتظلمت وكل الرياضيين عارفين ان مظلوم”.
وشدد نصر:” ربنا عوضني بالحكم والنجاح في معركه عنيفه بانتخابات الزمالك”.
وأكمل: “واقول لحسن مصطفى انا زعلان منك وقعدنا وهو عاوز يخلص وانا عاوز اخلص، وللاسف في ناس حواليه رافضين وهذا لايمنع الدكتور حسن قامه كبيره لنا”.
وأختتم:” في انتخابات الزمالك بعض المذيعين قالوا هشام نصر راح باس ايد حسن مصطفى علشان الانتخابات، وهذا لم يحدث لاعلاقة لمشكله اتحاد اليد بالزمالك”.
