مهيب عبد الهادي يثير الجدل بشأن تمرد إمام عاشور في الأهلي ويوجه له رسالة نارية!! – فيديو

وجه الإعلامي مهيب عبد الهادي، رسالة نارية إلى الخائن إمام عاشور لاعب الأهلي، ولمح إلي تمرده وصدامه مع كولر المدير الفني.

وقال مهيب عبد الهادي في تصريحات تليفزيونيه ببرنامج اللعيب عبر قناة”mbc مصر”: “اليوم أمام سيمبا من أسوأ مباريات الأهلي، وليست أول مباراة، في فكه بين لاعبي الأهلي وكولر، ووضح من عدم تغييره للاعبين”.

وتابع:” كولر مدير فني كبير، ولكن الأمور فلتت منه بعض الشئ، وأي صدام مع اللعيبه انت الخسران “.

وشدد عبد الهادي:” بعد مباراة سيمبا الإحتياطي كانوا بيسخنوا فإمام عاشور كان بيجري بعدم جديه وكولر قاله بتجري ليه كده إجري كويس، فرد إمام رجلي وجعاني”.

وأردف:” إمام عاشور زعلان، وأي لاعب بيقعد على الدكه بيكون زعلان، ولكن لازم زعلك بحدود في إطار المنظومه”.

وأشار عبد الهادي: “يا إمام انت في الأول والآخر لاعب ولازم تلتزم، ولما انت رجلك وجعاك يا إمام  عاوز تلعب إزاي؟، انت في الأهلي يا إمام مفيش ياما إرحميني الأهلي مفيش فيه نجوم عنده، الأهلي هو للنجم، علشان خايف عليك بقولك كده وواجبي اقولك الأهلي مبيهرجش وكل اللعيبه واحد”.

وأختتم:”ذكاء المدير الفني التعامل الجيد مع الجميع، مش وقت صدامات مع اللعيبه وفي صدام مع عبد القادر وإمام عاشور، كولر عند على نفسه، وفي لعيبه مش احسن حاجه ومتغيرش غير تغييره واحده علامات إستفهام ولازم يكون في وقفه”.