نجم الزمالك السابق يشيد بثلاثي الفريق.. ويوجه رساله ناريه بشان التقليل من الأبيض!! – فيديو

أشاد أحمد صالح نجم الزمالك السابق، بالثلاثي محمود عبد الرازق شيكابالا وأحمد زيزو وأحمد فتوح لاعبي الفريق الاول لكرة القدم بالنادي، ووجه رسالة ناربة لمن يقلل من شأن الفارس الأبيض.

وقال أحمد صالح في مداخله هاتفية ببرنامج “زملكاوي” عبر قناة “الزمالك”:” سواء في قيد اومفيش، لازم اللعيبه تحافظ على تيشرت الزمالك وتبذل اقصي جهد اكبر، واعتقد الزمالك بالموجودين والناشئين هيبقوا افضل”.

وتابع: “في ناس تكلمت بشكل مش حلو عن الزمالك وانه هيبقى في منتصف الجدول، لكن ده الزمالك وهينافس على الدوري او يفوز به، والزمالك كبير بجماهيره واسمه ولاعبيه ولازم اللاعيبه تحس بالتيشرت واسم الزمالك”.

وشدد صالح:” الابرز في الفريق الثلاثي زيزو وشيكابالا وفتوح، وعلشان نكون واضحين الزمالك مش خطوط كامله وفي لعيبه بتجتهد، وفي ناس سوبر وبتصنع الفارق زي الثلاثي زيزو وفتوح وشيكابالا”.

واشار: “جمهور الزمالك حاجه عظيمه، وبيشجع علشان بيحب النادي وبيحب الكيان نفسه، وسواء بيكسب او يخسر بيشجع وواقف دائما في ظهر اللاعبين والنادي، وبشكرهم جدا جدا جدا”.

وأختتم:” اقوى ماتش للمنتخب امام تونس خسرناه، واتمني ناخد ماتش الجزائر بجدية وفيتوريا بيحقق نتائج جيده، ولازم الفتره المقبله تكون مختلفه والمهم نكسب بطولة والاداء ليس أهم حاليا”.