وجه هاني برزي المرشح لعضوية مجلس إدارة الزمالك، رسائل قويه قبل إنتخابات الفارس الابيض والمقرر إقامتها يوم 20 أكتوبر الجاري.
وقال برزي في تصريحات تليفزيونيه عبر قناة “mbc مصر”:” المنافسه في الإنتخابات؟، الافضل يكسب انمني قائمتنا تنجج، لكي يكون هناك توافق لو دخل 4 او5 اشخاص آخرين هيحصل خلل للتوافق اللي متفقين عليه”.
وتابع: “هنحاول نوفق للامور بحكمه وعقل واتمنى التوفيق للجميع، ولوخسرت مش هزعل لان الانتماء مش هيتغير، ارض الزمالك في 6 أكتوبر كانت هتتسحب والاستاذ محمد الاتربي كان له الفضل في عودتها واخدنا مهله سنتين للبناء وقت لجنة حسين لبيب”.
وأضاف برزي:” ويجب ان نخرج خارج فرع الزمالك وانشاء الفروع يكون هناك اكثر من فرع بس لابد ان نوفر الاموال”.
وشدد: “امر محزن هد مدرجات حلمي زامورا هل يجوز تهد القلعه والمتحف المصري حتي لوعملت متحف جديد، ده تاريخ واثر، والرموز قالوا احنا غلطانين وكمال بيه درويش قال غلطان علشان قعدنا بره وسيبنا المدرجات بتتهد والوضع سئ في النادي جدا”.
وأشار برزي:” نتمني ان نحقق الكلام اللي متفقين عليه، ومنشوفش قضايا وخلافات، الاصلح يتقدم ومن عنده فكر ودماء جديده تدخل وحاسبوهم بعد4 سنين ولازم تبقى في فرصه للي جاي يشتغل مش هيبقى مشاكل من بره وجوه”.
واستطرد: “بشوف حسرة الجمهور ورغبتهم في انهم يشوفوا الفريق افضل، وفي شغل كتير وارجو النفوس تهدى وبلاش مشاكل وطعون مش معقول، لامتى هو الزمالك مكتوب عليه كده”.
وزاد:” بقول للجمعيه اعطوا صوتكم للي يستحقه ويخدم الزمالك في الاخر هيعود عليكم بخدمات، النادي عباره عن كافيتريا كبيره ومفيش مناطق خضراء ولابد من اعاده هيكله النادي ومطلوب الصبر”
واستأنف: “الزمالك بخير وله محبيه وكلهم مراكز مرموقه، والخال فهمي عمر كاد ان يبكي بسبب منعه من دخول النادي لايصح رموز مثل الدكتور كمال درويش يمنع من دخول النادي”.
وأختتم:” محتاجين كل دعم محبي الزمالك سواء متفقين معنا اومختلفين، الموضوع ليس مغنم احنا داخلين لخدمه الزمالك وهشتغل بما يرضي الله وضميري، وليس لدي اي مصلحه شخصيه وعيب حد يتكلم عن شركتي وارتفاع اسهمها في البورصه بسبب وجودي في الزمالك”.
