كشف هاني برزي، المرشح لعضوبة مجلس إدارة الزمالك، سر ترشحه لإنتخابات الفارس الأبيض القادمة وهل سيدعم النادي ماليًا.
وقال هاني برزي في تصريحات تليفزيونيه ببرنامج اللعيبعبر قناة”mbc مصر”: “الناس معتقده ان انا كرجل اعمال
داخل النادي اجيب اموال واصرف فلوس، وخلينا صرحاء اللي بيصرف بيكون علشان يستردها، لكن احنا داخلين علشان نساعد الزمالك ونبني النادي، ونضع فكرنا ونجاحنا في اعمالنا الخاصة لنقل الزمالك لمكانته الكبيرة”.
وأضاف:” ترشحت لخدمه النادي والاعضاء والجمهور، واتمنى اشوفه في مكانه كبيره، كلنا مشغولين جدا في اعمالنا، ولوجاي علشان ادفع فلوس وبس كنت استمريت خارج النادي وادفع، لكن قررت الترشح لخدمه الزمالك، ولدي عمل عام وبحمل نفسي ضغط بتواجدي في الزمالك”.
وتابع برزي: “القائمة الموحده مهمه جدا، والعمل الجماعي مهم جدا ولابدان يكون هناك توافق في الافكار والاهداف وليس لمحاوله السيطره على المجلس من قبل شخص واحد، كلنا من كوارد مختلفه وخبرات مختلفه، والقائمة فيها خبرات في معظم المجالات وهيعود بالمنفعه على الزمالك”.
وشدد:” المهم الكفاءات الموجوده بنفس الفكر وناس لاتأخذ تعليمات وتنفذها ولكن اشخاص تتحداك وتطرح افكار،
كلنا كقائمة علي قلب رجل واحد، وكل واحد له دور وهدف هيحققه ومفيش حاجه اسمها رئيس ونائب ولكن كلنا هدفنا واحد لعودة هيبة الزمالك”.
وواصل برزي:” ولاتفرق معايا خالص وجودي كعضو او رئيس هدفي خدمه الزمالك في اي موقع، وطلبت منهم ان اكون خارج المشهد وكان في توافق لتواجدي، وانا سعيد جدا بذلك وداخل اساعد المجموعه ولايفرق معايا شئ، انا داخل احقق هدف انا علاقتي بالزمالك منذ الطفوله وعملت ماتش اعتزال كابتن إبراهيم يوسف عام91 وكنت بعيد عن المشهد ولا احب الظهور”.
وأختتم: “وقت اللجنه لم اتردد في قبول المهمه لانها كانت مرحله صعبه جدا”.
