علق الكابتن حسام حسن على واقعة إيقاف ثلاثي نادي الزمالك قبل مواجهة زد إف سي في بطولة الدوري، مشيرًا إلي أن ما حدث يعد كارثة ولا يصح أن تحدث داخل نادي بحجم نادي الزمالك.
وقرر الجهاز الفني للزمالك استبعاد الثلاثي أحمد فتوح ومصطفى الزناري ومحمد صبحي من قائمة مباراة اليوم أمام زد بسبب ما قيام الثلاثي بالخروج من معسكر الفريق أمس دون الحصول على إذن سابق.
وقال “حسام” :” ما حدث من الثلاثي خطأ فادح ولا يصلح في نادي بحجم نادي الزمالك، ده لو ميسي نفسه ميقدرش يسيب المعسكر ، ويقول للناس هاجي على الغداء قبل المباراة”.
وأشار :” أعتقد إن أزمة الثلاثي لن تمر بدون حساب، على أيامنا مكناش نقدر نسيب المعسكر ولو انا بدرب مفيش لاعب يقدر يسيب المعسكر ويمشي”.
وأضاف “حسام” خلال استضافته في برنامج “اللعيب” على قناة “إم بي سي مصر” :” إنت معملتش أي حساب لزمايلك أو الإدارة، وده معنا إن النادي مش فارق معاك، وإنك شايف إن النادي أكبر ، واللى حصل ده كارثة “.
وتابع :” لما كنت بدرب فتوح في سموحة عمل موقف مشابه وكان لينا وقفة معاه وكان لازم يعرف حجمه ونظام الفريق وتم معاقبته وبدأ يتمرن لوحده وبعدها رجع أحسن من الأول ورجع نادي الزمالك تاني وكان محمد أبوجبل معاه في نفس الأزمة”.
وأوضح “حسام” :” الموضوع بتاع تجديد فتوح واخد اكبر من اللازم في الزمالك ولو انت حسيت إن اللاعب مش فارق معاه النادي خلاص أعرضه للبيع في يناير علشان يبقى فاهم إن نادي الزمالك مش بيقف على حد”.
شاهد:
