بعد الهجوم على التحكيم .. رد غير متوقع من قناة الأهلي على بيراميدز ورسالة نارية لشوبير – فيديو
علقت قناة النادي الأهلي، على تصريحات مسؤولي إدارة بيراميدز بعد الخسارة من نادي الزمالك في نصف نهائي كأس مصر بركلات الترجيح.
وقال عدلي القيعي عبر شاشة قناة الأهلي في برنامج ملك وكتابة : ” في حالة دايما بنشوفها من مسؤولي بيراميدز وهي خلق حالة عداء كده مع الأهلي خلال السنوات الماضية، والنهاردة شوفناها بشكل جديد بعد نصف نهائي الكأس “.
وتابع المنيسي : ” هناك شكوى من بيراميدز على التحكيم بعد خسارتهم أمام الزمالك في نصف نهائي كأس مصر ”
ورد المنيسي على حديث الاعلامي أحمد شوبير خلال الايام الماضية : ” أن هناك اشخاص تريد اشعال ازمات بين الأهلي وبيراميدز وانه لا يوجد شئ يعكر الصفو، بعد ازمة شراء رمضان صبحي “.
وقال المنيسي: ” انا سمعت كابتن شوبير في الراديو بيتكلم ان مفيش حاجة بين الاهلي وبيراميدز وان الجمهور لازم يفوت، هو ازاي مفيش حاجة بينا؟ الكلام ده بأماراة ايه؟”.
وواصل: ” إحنا كل مباراة قدام بيراميدز يحصلنا مشكلة من اداري الفريق وخلق أزمات وشكاوي ومحاضر في قسم الشرطة رغم اعتذار الشحات عن واقعه الشيبي “.
وواصل: ” كل مباراة بين الأهلي وبيراميدز نلاقي كلام عن مجاملة التحكيم، والهجوم على الفريق، حتى هذه اللحظة الإداريين اللي موجودين هناك عايزين حالة التوتر تبقى مستمرة فاللوم مينفعشي يبقى على الجمهور “.
وأتم عدلي القيعي : ” أتمنى في لحظة أن يبقى هناك ناس عقلاء تلم العلاقة بين بيراميدز والأهلي، لان في لحظات بتحصل تصرفات غير طبيعية، لان الجمهور عايز يستمتع بالكرة بقى “.
