تصريحات تاريخية.. أحمد سعيد يفتح النار على الخطيب ويُقارن بينه وبين مرتضى منصور في الزمالك!!
انتقد الإعلامي أحمد سعيد، سياسة محمود الخطيب رئيس مجلس إدارة النادي الأهلي، بعد الخروج من دوري السوبر الإفريقي أمام صن داونز، ويُقارن بين قراراته وقرارات مرتضى منصور رئيس الزمالك المعزول.
وكتب أحمد سعيد عبر صفحته الشخصية بموقع التواصل الاجتماعي “فيس بوك”: “مرتضي بس هو اللي كان بيعمل تغييرات في الجهاز الفني وهو كسبان عشان الناس تسيب النجاح وتتكلم عن مرتضي”.
وتابع: “الخطيب تدخل في الجهاز ومشي أنجح مدير كرة في تاريخ الأهلي وجهاز طبي من أفضل الاجهزة اللي جت في الاهلي في الفترة الاخيرة”.
واضاف: “مشيت مدير كرة حافظ تاريخ كل لاعب وجهاز وادارة وحكم ونادي في الكرة الافريقية في واحدة من اندل مواقف يذكرها التاريخ”.
وأردف: “مرتضي بس اللي كان بيروح يجيب مهاجم عجيب بعقود ومبالغ غريبة ومحدش فاهم مين ده وجه ازاي وبيلعب كورة ليه أصلا.. مين اللي رشح موديست وجابه ليه”.
وواصل: “مرتضي بس هو اللي كان معاه هزازين في القناة يدافعوا عن صفقاته المضروية ويقوله صفقات تاريخية ولو مجبتش بيطلعوا يهاجموا الجمهور زي الحج عدلي القيعي كده ويقول الاهلي مش محتاج صفقات ويعدلنا المصابيين اللي راجعيين”.
واختتم: “صلح غلطاتك ياكابتن والنبي وغير لجنة الكرة ورجع سيد وهات اتنين مهاجمين زي الناس واحد فوق السن وواحد تحت السن، ومتوجعوش دماغنا بالخمس بطولات عشان جمهور الأهلي عارف ان افريقيا جت بس بتوفيق من الله وحده”.
