دونجا يوجه سؤال صادم لفيتوريا قبل معسكر منتخب مصر .. ورسالة لجماهير الزمالك – فيديو

تحدث عماد نبيل دونجا، لاعب نادي الزمالك، عن تفاصيل هدفه الهام أمام بيراميدز، والذي كان سبب في تأهل الزمالك لنهائي كأس مصر والإطاحة بالسماوي بركلات الترجيح، في تصريحات تلفيزيونية مع الإعلامي مهيب عبد الهادي.

وقال عبر شاشة قناة ام بي سي مصر: “كنت حاسس إننا هنكسب برغم الغيابات الموجودة في الفريق”.

وواصل: ” الحمدلله ربنا بيكرمني وتعبت الفتره الماضيه، ودي مكأفاتي من ربنا بالتأهل النهاردة الغالي”.

وتابع: ” أنا كان عندي إصابه في السمانه قبل المباراة ولكني أصريت على لعب المباراة وكان كلي امل أننا هنكسب وهنتأهل “.

وأضاف : ” أنا بحب الزمالك وهيفضل رقم واحد بالنسبالي، وأنا جيت الزمالك علشان بحبه ولو بفكر في الفلوس مكنتش هاجي وليه واجب علينا ومقصرين في حقه ولسه قدمنا بطولات كثيرة وبقول للجمهور متبصوش للناس الي عاوزين يهدموا الفريق احنا مكلمين في البطولات”.

وشدد : ” الزمالك عنده لاعبين مميزين وبعد عودة الغيابات هنكون افضل وهنقاتل علشان نحصل علي بطولة “.

وأكد دونجا: ” كابتن معتمد جمال كان كلامه معنوي أكثر من الفني ولمينا نفسنا في اوضه اللبس وجمهور الزمالك محسش بالنقص وبشكر الادارة على المساندة “.

وتابع : ” كمان بشكر جمهور الزمالك وبدعمه هنافس علي كل البطولات كنت حاسس إني هسجل هدف وعلشان كده كنت في منطقة الجزاء، وربنا كرمني “.

وتساءل: “مش عارف ليه أنا بعيد عن المنتخب، حقي أتواجد في المنتخب ولو بنتكلم على النتائج السيئه في نادي خسر 2 فاينال محدش اتكلم ليه عليه، إحنا بيتكلموا على نتائجنا؟”.

وأتم تصيحاته : ” أنا بعمل اللي عليا ولو متواجدتش في المنتخب، فكل الدعم لزمايلي وأنا بتعب وبعمل اللي عليا وكنت بشارك مع المنتخب باستمرار في الفترة الماضيه واستحق التواجد في المنتخب”.

شاهد :