أبدى مجدي عبدالغني، لاعب الأهلي السابق، غضبه الشديد من المدير الفني السويسري مارسيل كولر و لاعب الفريق الفرنسي انتوني موديست .
وقال مجدي عبد الغني في تصريحات تلفزيونية عبر قناة “الشمس” ببرنامج ” البلدوزر : كولر لدية مشاكل كثيرة منها هو من تسبب فيها و مشاكل أخري .
و تابع عبدالغني : المشاكل التي تسبب بها ، هي التعاقد مع موديست ، و بالرغم من ذلك يدافع عن اللاعب و ينتقد الناس التي تنتقد اللاعب ، و يطالب الناس بالصبر على موديست .
و أكمل ساخرًا : يبدو أن مستر كولر فاكر انه بيكلم ناس عايشة في غابات الموز ، او الغابات الإستوائية الي هما عايشين بدون ملابس لان الجو حر و رطوبة .
و أضاف عبد الغني : يا مسر كولر احنا بنحبك بس متعاملناش على اننا مبنفهمش ، الراجل ده مخلص و مشطب كرة قدم ، موديست ماتش كويس و ثلاث او اربع ماتشات في الطراوة ، مش معني انه احرز هدف و وقف توقيفه حلوه يبقي خلاص ، موديست احرز فقط هدفين فقط بمليون دولار ، المفترض ان يكون قد احرز 30 او 40 جول عشان لما نقسم الفلوس الي اخدها يبقي حلل الفلوس الي اخدهم .
و واصل عبد الغني : عاوز تقنعنا ان الناس على السوشيال ميديا غلطانة ، وانك مش غلطان عشان جبت لاعب زي ده ، لو كنت انت الي صممت على اللاعب يبقي الغلط غلطك .
و تابع : موديسيت ليس مستوي النادي الاهلي حتي لو كان بيلعب في بايرن ميونخ ، و تلومناش اننا مش حابينه ، الراجل اخد دولارات و مقدمش حاجة ، بالبلدي كدة الراجل ده ضربنا على قفانا ، و هنا الضرب على القفا عيب سلو بلدنا مينفعش لازم الي يضرب على قفاه يرد القفا ، احنا نردلك القفا ازاي ولا مع الي اتعاقد معاه ، او الي مقالش مشوره صح في اللاعب .
شاهد الفيديو :
