ميدو ينفجر على الهواء بعد قرارات إدارة الزمالك بعرض أحمد فتوح للبيع ” أنا كنت فاكر نفسي فاجر! ” – فيديو
انفعل أحمد حسام ميدو، بسبب تصرف أحمد فتوح ومحمد صبحي، ومصطفى الزناري ثلاثي الزمالك ومغادرة الثلاثي معسكر مباراة زد.
وقال ميدو في تصريحاته عبر برنامج الريمونتادا على قناة المحور: “أنا كنت فاكر نفسي فاجر، لكن لما سمعت قصة فتوح والزناري ومحمد صبحي اكتشفت إن لا أنا مش فاجر”
وأضاف: “أنا معملتش كدة في معسكر أي ماتش، ولا عملت كدة بالبجاحة والفُجر ده، لا شابو مجلس حسين لبيب، وكل الزملكاوية انهاردة فرحانين بالقرارات دي”
وواصل: عمر جابر ودونجا كانا في عيادة معسكر مباراة الزمالك وزد، شاف الثلاثي لابسين لبس خروج وماشيين، عمر نادى شيكابالا، شيكا قالهم إنتوا رايحين فين، التلاتة قالوا هنجيب حاجة وراجعين، شيكابالا كقائد مكانش عايز الموضوع يكبر لكن كان هيتجنن”
وأضاف: “فات نص ساعة، شيكابالا كلم صبحي والزناري قالهم ارجعوا الكلام ده ميصحش، شيكا كان بيلم الدنيا وده دور القائد قبل ما الموضوع يكبر، وبعد شوية صبحي والزناري رجعوا، وشيكابالا كان بلغ أعضاء الجهاز الفني”
واختتم: “تخيل الزمالك عنده ماتش تاني يوم واللاعيبة كلها صاحية الساعة 4 الفجر، وفي أزمة في المعسكر بسبب خروج الثلاثي، شيكابالا قال فتوح ارجع عندنا ماتش بكرة، فتوح قاله انتوا عايزين مني ايه، قاله انا بقولك انا مش هرجع غير لما اخلص سهرتي، وهرجع الفجر، هنا عبد الواحد السيد بلغ شيكابالا قاله قول فتوح ميرجعش”.
شاهد :
