” بسبب نجله ” شوبير يوجه رسالة مثيرة لميدو ” ابعد عنه ومفيش مجاملات ” – فيديو
وجه أحمد شوبير رسالة مثيرة إلى لاعب نادي الزمالك السابق أحمد حسام ميدو بعد ظهوره في مباراة الفريق أمام الأهلي في قمة الشباب لمواليد 2003.
وقال شوبير عبر برنامجه الإذاعي : ” اللاعبين القدماء في مصر بيحرصوا دايما على مساندة الأبناء اللي بيمارسوا لعبة كرة القدم، وده شي كويس وطبيعي “.
وواصل : ” لكن رسالتي ليهم، سيبوا ولادكم شوية، لو موهبة هيفرض نفسه، لو معندوش موهبة مش هيقدر يستمر لإن بعد المراحل السنية مفيش في مجاملات، لان المدربيين هيتحاسبوا “.
وتابع : ” لو سمحت متتكلمشي خالص عن ابنك، سيبوا هو يكون نفسه وشخصيتة ويظهر نفسه ويدافع عن نفسه، متفضلشي تقول ابني احسن لاعب، مفيش الكلام ده “.
وأضاف : ” بكل الحب أنا استنيت يومين ثلاثة علشان اقول رسالة لصديقي أحمد حسام ميدو، بعد ظهوره في قمة الزمالك والأهلي، لا مش مطلوب إنك تبقى موجود في الملعب”.
وأتم: ” في مدرب وفي ناس بتدير المباريات، متقحمشي نفسك في أمور ابنك، لما يسالك عن حاجة جاوبه وقوله وفهمه، لكن متقحمشي نفسك في القصة “.
شاهد :
