علق رضا عبد العال نجم الكرة المصرية السابق، على عدم مشاركة الزمالك في بطولة السوبر المصري المقامة حاليا في دولة الإمارات بمشاركة الأهلي وبيراميدز وفيوتشر وسيراميكا كليوباترا.
وقال رضا عبد العال في تصريحات تليفزيونيه ببرنامج “البريمو” عبر قناة “Ten”:” وجهة نظري كان بطل الدوري والكأس هو يبقى بطل السوبر ومتلعبش البطولة”.
واضاف: “هو فيوتشر وسيراميكا بيشاركوا ليه؟، هل معترف ببطولة كاس الرابطه علشان سيراميكا يشارك في السوبر بسببها، هي دي بطوله؟ اعمل كأس الرابطة دوره تنشيطيه بدون مشاركة الرباعي اللي بيلعب في افريقيا”.
وتابع عبد العال:” ماتش فيوتشر وبيراميدز ملمش 3 جنيه، وهيفتحوا المدرجات مجانا في مباراة المركز الثالث والرابع ببلاش “.
وشدد:” ومادام مش زمالك واهلي والمدرجات مناصفه يبقى مالوش لزمه البطولة”.
وأشار عبد العال:” انت عامل بطولة السوبر علشان الفلوس، يبقى لازم الزمالك والاهلي، ده انا مكنتش عارف ان في ماتش النهارده الساعه 3 بين فيوتشر وبيراميدز”.
وواصل:” الاثارة ماتش الزمالك او الاهلي، مع كل الاحترام للفرق دي رايحه كومبارس، كنت عملت قرعه وسحبتها ووديت فريق يلعب مع الاهلي وخلاص”.
وأختتم:” هو مين يكسب البطولة غير الاهلي، دول موديين الحكام من مصر علشان يكسب، هو بيراميدز فيوتشر وسيراميكا لاعبيتهم هتتحمل وجود 60 الف مشجع للاهلي؟، ده جسمهم هيخشب من جماهير الاحمر”.
