سيف زاهر يفصح عن تفاصيل مكالمة عضو إدارة الزمالك بسبب بيع زيزو !! – فيديو
كشف سيف زاهر تفاصيل مكالمة عضو مجلس إدارة نادي الزمالك هاتفيا معه للحديث عن خبر بيع زيزو في يناير.
وكان سيف زاهر قد تحدث عن وجود عرض كبير من الشباب السعودي لضم اللاعب، مؤكدا انها فرصة للإدارة لحل ازمة الزمالك ماليا.
وقال سيف زاهر عبر برنامجه على قناة أون تايم سبورتس : ” انا اتكلمت امبارح عن موضوع زيزو وانه لو اتباع والفريق يستفيد علشان فاضلة سنه وكان معايا في الحلقة كابتن خالد الغندور “.
وواصل : ” بعدها احد الاشخاص في مجلس إدارة الزمالك كلمني في التليفون وقالي مينفعشي تصدر للجماهير فكرة رحيل زيزو عادي كده “.
وتابع : ” أنا مقولتش إن زيزو عادي يتباع، أنا قولت لو في مصلحة من بيع زيزو بمبلغ كويس علشان عقده فاضلة سنه، وعضو المجلس فضل يتكلم معايا شوية “.
وأضاف : ” قولتله طيب انت عايز تقول ايه للجمهور وانا هقول، هل سيتم حل ازمة القيد واحمد فتوح وعدم بيع زيزو؟ احنا داعمين للزمالك ووراه ونتمنى ليه الخير”.
وأتم : ” خلاص هما اكدوا ان القيد هيفتح وهيكون في حل للازمات وفي لاعب افريقي جاي وكل شئ هيكون على ما يرام خلال الفترة المقبلة، وانا بطمن الجمهور “.
شاهد :
