هاجم الإعلامي أحمد شوبير ، مدرب سيراميكا كليوباترا أيمن الرمادي ، بعد حديثه عن مجاملة الحكم محمد معروف للأهلي وظلم فريقه في مباراة نصف نهائي كأس السوبر.
كان الرمادي قد أكد أن محمد معروف قام بظلم فريقه ، وكان يفرق في المعاملة بين لاعبي الفريقين ، حيث هدد لاعبي سيراميكا ، بينما كان يخاطب لاعبي الأحمر بصفة حضرتك.
حيث قال أحمد شوبير ملعب أون تايم المذاع عبر شاشة قناة أون تايم سبورتس الفضائية : اول مرة أشوف حد بيعترض علي الحكم علشان بيقول للاعب حضرتك وبينادي للتاني بإسمه، هل دا إللي غير نتيجة الماتش ؟ أيمن الرمادي نفسه قال أن دا مش مبرر للهزيمة طيب بتعترض ليه
وزاد : ماهو وارد الحكم يقول للاعب لو سمحت حضرتك خليك مكانك، ولاعب أخر يقوله يامحمد متعملش كدا تاني ، بتكون طبيعية.
وأتم: بصراحة مش فاهم في أيه ماتش وخلص ! فين المشكلة بتعترض ليه ؟ هل إمام عاشور غلط انه رقص اتنين وسجل هدف ؟
