دافع الإعلامي مهيب عبد الهادي، عن مجلس إدارة نادي الزمالك بعد الإنتقادات التي وجهت لهم بعد خسارة الفريق أمام المصري في الدوري، ووجه رسالة لجماهير الفارس الأبيض.
وقال مهيب في تصريحات تليفزيونية ببرنامج اللعيب عبر قناة”mbc مصر”: “خسارة الزمالك من المصري، تحس إنه خسر بطولة الكأس الدوري وكأس العالم وبطولة افريقيا و دوري ابطال اوروبا، ماهذا الهجوم الشرس على الإدارة كأن ناس قاعده محضره وكاتبه ومستنيه”.
وأضاف:” الزمالك خسر مباراة بعد الفوز في 5 مواجهات، وجدنا الهجوم، شوفتوا الإدارة بتعمل ايه مش فاضيين شوفتوا احمد سليمان وحسين لبيب”.
وتسائل عبد الهادي:” هل الإدارة هي من تعاقدت مع الفريق؟لا، هل الإدارة مسئوله عن إيقاف القيد؟ لا، هل الادارة السبب في عدم وجود موارد ماليه؟،لا، هل الادارة السبب في ان فتوح متبقي في عقده 6 شهور فقط ولازم يتجددله؟ “.
وأشار:” انتم مين بقى؟، عاوزين الإجابه؟ ده شغل مجالس سابقه، ومعروفين مين بيهاجم الإدارة وفي أمور غريبه وناس غريبه ونزلوا علينا بباراشوت ومستحيل يكونوا زملكاويه”.
وتابع مهيب:” الزمالك ضد الكسر، الإدارة لازم تتحرك، اه عندكم حق لازم يكون في سرعه اه عندك حق، في لعيبه التيشرت تقيل عليها اه عندكم حق”.
وأكمل: “الزمالك هيفتح القيد وتركيزه لازم يكون على الكونفدراليه وهيبنتي عليهاوده هجوم منضبط، ننزل كابتن حسين لبيب وهاني شكري وهشام نصر وحسين السيد واحمد سليمان يلعبوا؟”.
وواصل عبد الهادي:” عارفين كم الديون كام اكثر من500 مليون جنيه هيتحلوا في يوم وليله وفي شهر ونص، متمشوش ورا حد و مش عاوز اقول كلام مالوش لزمه”.
وأختتم:” في تربص بمجلس الزمالك، ولازم يعرف كده جماهير الزمالك الحقيقيه، الرجل كسبان 5 ماتشات يتعمله ايه علشان خسر مات، منين لازم ندفع بالشباب والواعدين ومنين اقولك تشيل معتمد، الزمالك محتاج مدير فني اجنبي وهيجيب، في إدارة بجد ومجموعه بتشتغل مش واحد بيشتغل ومش وان مان شو وإدارة شرعية منتخبه”.
