رضا عبدالعال يفتح النار علي فيتوريا بعد تعثر مصر أمام موزمبيق !! هذا اللاعب يتحمل الهدف الثاني !! – فيديو
انتقد رضا عبدالعال ، البرتغالي روي فيتوريا المدير الفني لمنتخب مصر ، مؤكداً أنه يجامل ويظلم بعض اللاعبين لذلك تعثر المنتخب الوطني أمام موزمبيق.
وأشار إلى أنه جامل أحمد حجازي بمشاركته أساسيا ، مضيفاً أنه يتحمل مسؤولية الهدف الثاني.
حيث قال رضا عبدالعال في تصريحات لبرنامج البريمو المذاع علي شاشة قناة TEN الفضائية : علي الورق تكسب مكسب كبير ، كان لازم تنصب السيرك وتسجل تاني وتالت ، لكن الواقع بيقول مفيش اي معالم لمنتخب مصر ، المدرب بتاعنا متفرجش علي الفرقه دي .
وشدد : لما بتجيب جول المفروض يقعوا نفسياً لأن اسمك كبير وعندك لعيبة كبيرة ، احنا مرحناش غير بفرصتين ، أنت علي أي أساس بتلعب 2 ديفندرات مش بيضغطوا ، هو دا لوب الموضوع ، في ناس تانيه بتقوم بالضغط لكن مش دور الاتنين إللي لعبوا ، كانوا مستحوذين اكتر مننا لكن مكانش عندهم خطورة ، وانت إللي اديتهم الثقة وجرأتهم عليك .
واستمر : المدرب واقف علي الخط بيعمل اي ، أنت المفروض تغير بين الشوطين ، ايه المشكلة لما تغير ، ضربة الجزاء دي جت من عند ربنا ، في مجاملات كتير في التشكيل ، ومجاملات كتير في القائمة ، إزاي ياسر ابراهيم يبقي برا ، وعلي جبر واحمد سامي وحجازي جوا القائمة ؟
وزاد : قارن بين التلاته هتلاقي ياسر ابراهيم نجم دفاع الأهلي ، دا ظلم ومجاملات ، حجازي علي عيني وراسي لكن ميبدأش ، حجازي يتحمل الهدف التاني لوحده ، باع نفسه وطلع نفسه برا اللعبة، احنا بنتكلم فنياً لو حجازي واقف صح ميدخلش الجول التاني .
وتعادل منتخب مصر بقيادة روى فيتوريا مع موزمبيق بهدفين لكل فريق فى المباراة التى جرت بينهما اليوم الأحد، ضمن منافسات الجولة الأولى بالدور الأول لبطولة أمم أفريقيا كوت ديفوار 2023.
شاهد الفيديو
شاهد الهدف الثاني
🚨 هدف موزمبيق الثاني على مصر 🤯🔥 pic.twitter.com/9BAKrhlV3Y
— KinG £ (@xKGx__) January 14, 2024
