أكد الإعلامي أحمد موسى، ان محمد ابوجبل حارس مرمى البنك الأهلي، لايستحق الإنضمام لصفوف النادي الأهلي، بسبب مستواه مع منتخب مصر وتسببه في خروج الفراعنه من بطولة أمم إفريقيا.
وقال أحمد موسى في تصريحات ببرنامج “على مسئوليتي” عبر قناة “صدى البلد”:” كل ما نشر عن انتقال أبو جبل للأهلي مصدرشي عنه أي بيان رسمي لا من الأهلي ولا من البنك الأهلي”
واضاف:” هو الأهلي نزل بيان؟ لا، طيب البنك الاهلي نزل بيان؟ لا .. امال ايه الموضوع؟”.
وتابع موسى:” محمد أبو جبل لم يوقع للأهلي، الراجل مع المنتخب الراجل هناك موقعشي، كل اللي حصل أن الأهلي طلب التعاقد معاه فعلا وطلب عوده علي لطفي من زد او التعاقد مع محمد بسام من سيراميكا”.
واشار:” توقيت إثارة خبر أبو جبل غلط تماماً هو هل في حد كان عايز يعمل كده ويقولك الحقوا ابو جبل الحقوا الأهلي.. يا اخي عندك مباراة لمصر يا اخي بتدوروا على ايه على حساب مصلحة البلد “.
وواصل موسى:” هو ينفع يتكلموا عن انتقال ابو جبل قبل ساعتين من مباراة مصر، محدش هامه مصلحه مصر، شتتوا حتى تركيز الراجل “.
وشدد:” هل ده كان وقت الكلام في قصه ابو جبل قبل مباراة مصر .. لعيبة مصر كلها تتمنى تلعب في الأهلي والزمالك، لكن ده مينفعشي يبقى الحديث عليه قبل ساعات من مواجهه مصر “.
وأختتم:” الأهلي عايز حارس مرمى بعد إصابة الشناوي وبيتفاوض مع أكثر من حارس وانا بقولهم بلاش ابو جبل الراجل امبارح مش قادر يصد اي ركلة جزاء وبيترمي في كل الكرات غلط والناحية الثانية”.
شاهد:
