أحمد موسى ينفعل على الهواء ويهاجم حازم إمام بقوة بعد خروج المنتخب من أمم إفريقيا – فيديو

فتح الإعلامي أحمد موسى، النار على حازم إمام عضو اتحاد الكرة والمشرف على منتخب مصر، بعد خروج الفراعنه من بطولة أمم إفريقيا أمام الكونغو.

وقال موسى عبر قناة”صدى البلد”: “بطلب من دكتور اشرف صبحي فتح تحقيق عاجل خلال24 ساعه، لمعرفة إيه حصل وايه حكايه فيتوريا ونتائجه صفر، معنا من سنه ونصف، وأخذخلالهم مليون ونصف دولار عمل ايه؟، ولاحاجه لو مكنش معنا مدرب كنا لعبنا احسن”.

وتابع:” يا كابتن حازم امام لو في مدرب كان المنتخب لعب احسن، عندنا مدير فني ياكابتن حازم بيقبض 200 الف دولار في الشهر، وعامل شرط جزائي 600 الف دولار، واحنا في في امس الحاجه لـ1000 دولار، عندكم فلوس ياكابتن حازم؟”.

وأردف موسى:” فين قطاعات الناشئين ياكابتن حازم، وجبتلنا فيتوريا، وكلنا سمعناك وسيبوا كابتن حازم امام يشتغل، عمل ايه؟”.

وواصل: “كابتن حازم مطلعش قال كلمتين للناس ولا احترموا الجماهير في106 مليون مصري بكوا امبارح، كان لازم يطلع بيان اعتذار قبل التحرك من كوت ديفوار”.

واكمل:”لازم تعتذروا للشعب الناس قعدوا بره للساعه2 صباحا مستنين فرحه، ميستاهلوش كلمتين ولا ايه؟، لا ياكابتن حازم خدعتونا وضحكتوا علينا في هذا الاداء الذي لايليق بمصر دانت كنت نجم ووالدك نجم النجوم”.

واختتم:” ياكابتن حازم ارتكبت خطا جسيم في حق مصر، مدرب جايبه يتعلم فينا احنا، ياكابتن حازم لابد من الحساب والمحاسبه حق الشعب المصري اي واحد تسبب فيما جرى الجميع يتحاسب ، دايما بنساندكم لمايبقى خروج مهين مش هنطبطب على حد ولايعينيني غير بلدي وشعبها الزعلان والغضبان”.