عبر الإعلامي أحمد موسى، عن غضبه الشديد بسبب تعادل منتخب مصر أمام موزمبيق 2-2،في بطولة كأس الأمم الإفريقية، وهاجم لاعبي الفراعنه، والبرتغالي روي فيتوريا المدير الفني للفريق.
وقال موسى خلال برنامج “على مسئوليتي” عبر قناة “صدى البلد”:” معنديش كلام كتير لكن هنفضل نشجع المنتخب، اداء سيئ كان ممكن نخلص الشوط الاول واعطيناهم الفرصه، كان ممكن النتيجة تكون هزيمه لمنتخبنا المرشح الاول للبطولة من موزمبيق مع احترامي لهم”.
واضاف: “مبقاش في منتخبات ضعيفه وشوفوا موزمبيق عمل ايه معنا وعندنا دفاع في شوارع مفتوحه واخطاء دفاعيه وازمه في نصف الملعب حتى صلاح مش مكانه ولاهو اللي في ليفربول ولا ده منتخبنا”.
وتابع موسى:” مش عاوز اكون قاسي هنشجع ولسه عندتا ماتشين امام غانا والراس الاخضر، ونقدر ان شاء الله ونثق فيهم “.
وشدد:”ماقدمته موزمبيق مفاجأة، فرحانين انهم تعادلوا لانهم بيعتبروا انفسهم امام البرازيل، وكانت طموحاته يخسر بهدف، كان عندنا فرص نحرز اهداف في الشوط الاول لاتعد ولاتحصى”.
وأشار موسى: “الثقه منين؟ كانت هتضيعنا الثقه، ورايح هنعدي موزمبيق عديناها بدعاء المصريين اللي بيتابعوا وفضل ربنا وكرمه اتعادلنا، ضربة الجزاء من السماء مش معقول يعني محدش يحبطنا من اول ماتش هنعدي ان شاء الله”.
وأتم:”عيب عليكم وراكم 100 مليون بيتابعوا مستنين الفرحه، مينفعش ننزل بالثقه دي، ونصف الملعب تعبان وضايع، التشكيل نفسه غلط، كان في لاعبين في التشكيل مكناش لازم تكون موجودة في المباراة، لازم نركز، كفايه دلع وطبطبه، فيتوريا لازم يشوف حل”.
