“ألحق الشناوي بيكلم فتوح عشان الأهلي وهاني مش طايق نفسه وصلاح ولا في دماغه”.. تعليق مُختلف من شوبير!! فيديو
علق الإعلامي أحمد شوبير، على التعليقات المتوقعة من بعض الأشخاص سواء في المجال الرياضي أو على صفحات التواصل الاجتماعي، في حالة فوز أو خسارة منتخب مصر أمام غانا في الجولة الثانية من دور المجموعات لكأس أمم إفريقيا 2023.
وقال شوبير في تصريحات عبر برنامجه “ملعب أون تايم”، على قناة “أون تايم سبورت”: “براحة على نفسنا شوية عشان نعرف نشتغل، لو خسرنا أمام غانا هيقولوا بصوا دول كانوا ماسكين شاي، دول كانوا بيضحكوا قبل المباراة ومش في دماغهم، وزيزو داخل يضحك في الأتوبيس يضحك”.
وتابع: “نحن أساتذة في هذه الأمور، سيقولون محمد الشناوي كان يتحدث مع فتوح من أجل ضمه للأهلي، ويتحدث معه عن تجديده مع الزمالك وقال له سننهي هذا الأمر بعد البطولة، والله العظيم هيطلع الكلام ده”.
وأضاف: “وسيقال بصوا إمام عاشور كان ماشي ومسلمش على فتوح، واللاعيبة مكنتش طايقة نفسها، وصلاح هو الوحيد إللي كان بيضحكم عشان مفيش حاجة في دماغه”.
واختتم: “لكن لو فزنا، سيقولون شوف الروح كانت حلوة إزاي، هم هم نفس الأشخاص، خلينا نركز عشان ربنا يكرمنا، وخلينا نساند ونقوم بدورنا، والأخطاء نقولها”.
🔥ألحق الشناوي بيكلم فتوح عشان يجيبه الأهلي.. ومحمد هاني مش طايق نفسه .. وصلاح بيضحك ولا في دماغه… مقدمة مختلفة تماما من شوبير عن لقطات المنتخب ورسائل قوية للمتربصين🔥#CAN_2023 pic.twitter.com/VYvtFzZ1nn
— OnTime Sports (@ONTimeSports) January 17, 2024
