إبراهيم سعيد يتهم محمد صلاح بالخيانه ” أنا عارف إنه هيعملي بلوك ” !!! ويشكك في الجهاز الطبي لمصر – فيديو

اتهم إبراهيم سعيد لاعب النادي الأهلي السابق ومقدم برنامج بلس 90 على قناة النهار، أسطورة منتخب مصر وقائد الفراعنه محمد صلاح بالخيانه والتهرب من لقاء غانا في كأس أمم أفريقيا.

وكان منتخب مصر قد تعادل إيجابيا بنتيجة 2-2 أمام غانا في الجولة الثانية من كأس أمم أفريقيا في المباراة التي شهدت تعرض محمد صلاح للإصابة في العضلة الخلفية واستبداله.

وقال ابراهيم سعيد عبر قناة النهار : ” أداء المنتخب تحسن مع وجود اللاعبين المحليين، بعد خروج محمد صلاح الموضوع اختلف تمامًا أفضل لاعبين في العالم بيقعدوا على مقاعد البدلاء، أو يمكن تغييرهم خلال المباراة “.

وواصل : ” هناك علامة استفهام على خروج محمد صلاح من المباراة، والموضوع مريب ومثير وغير طبيعي، وأنا عارف إن كلامي ممكن يزعل ناس وأولهم صلاح، لكن ولا يهمني زعل اي حد أنا بتكلم على بلدي”.

وأضاف: ” وقوع محمد صلاح لوحده مريب، خاصة إنه قبلها محصلشي أي التحام مع أي لاعب أو جري مسافة طويلة، مرة واحدة اتفاجئنا بيه على الأرض”.

وتابع : ” محمد صلاح عمل كده علشان يطلع من المباراة والحركات دي بتتعمل كتير، أنا عملت نفس اللي عمله محمد صلاح في أمم إفريقيا 2006 وروحت واقع على الأرض، لكنه كان وقت ركلات الترجيح في المباراة النهائية ومكنتش جاهز اشوط، لكن مكنش علشان اطلع من المباراة نفسها “.

وأكمل: “إصابة محمد صلاح غريبة اوي، وهل هو مش عاجبه منتخب مصر؟، وشايف إنه أعلى منه، وطموحه مع ليفربول ويكون إنجازاته لنفسه واسمه، هل اشتكى قبل المباراة؟، وشارك وهو يعاني من إجهاد في الخلفية، وفيتوريا دفع بيه وهو مش بكامل جاهزيته، أم اللاعب شاف إنها مش ماشية معاه ولاعبي غانا بتلعب بعنف “.

وشدد : ” مفيش أي سبب للإصابة حتى الآن، والجهاز الطبي عليه علامات استفهام لإنه معملشي لصلاح اختبارا داخل الملعب لتحديد مدى جاهزيته لاستكمال المباراة، لكننا اتفاجئنا بخروج محمد صلاح من الملعب، هل هو من يتخذ القرار؟”.

وأتم تصريحاته : ” هل محمد صلاح هو من يضع تشكيل المنتخب ويختار التغييرات؟، أين دور الجهاز الطبي والفني، هل محمد صلاح تخلى عن منتخب مصر؟، من المفترض أنه لاعب محترف أكثر من ذلك، الكلام ده عارف إنه هيزعل صلاح وممكن يعملي بلوك لكن انا بتكلم علشان مصر “.

شاهد :