إبراهيم عبد الجواد يفتح النار على رامي عباس بعد الهجوم على منتقدي محمد صلاح.. “انت ليه بتقلل مننا كده” – فيديو

فتح الإعلامي إبراهيم عبد الجواد النار على رامي عباس وكيل أعمال محمد صلاح بعد التويتة التي نشرها للرد على منتقدي قائد منتخب مصر بسبب السفر إلى إنجلترا من أجل استكمال علاجه بعد إصابته مع منتخب مصر.

وهاجم رامي عباس وكيل محمد صلاح نجم ليفربول الإنجليزي ومنتخب مصر، منتقدي لاعبه، بعد تعرضه للإصابة وعودته لليفربول .

حيث كتب رامي عباس عبر حسابه الشخصي على موقع التواصل الإجتماعي “إكس” : نفس الأفراد والمؤثرين الذين يصابون بالضعف ويسقطون على الركبتين عندما يصادفون صلاح شخصيا ويتوسلون إليه من أجل متابعتهم أو التقاط صور شخصية حاولوا الاستفادة من إصابة مؤسفة وشككوا في التزامه تجاه بلده.

وقال “إبراهيم” :” تويته و بوست من رامي عباس أقل ما يقال عنها أنها غير موفقة تمامًا، إيه العبارات الرقيقة دي!!.. كلام صغير المفروض بيعبر عن نجم كبير قوي”.

وأضاف “عبد الجواد” خلال تقديمه حلقة جديدة من برنامج “القاهرة – أبيدجان” على قناة “أون تايم سبورتس 2 ” :” كلام صغير تحس إنه بتاع مدارس ومصطلحات تحس إن فيها استعلاء وفوقية، إنت ليه ياعم بتقل مننا كده، وإيه الاستعلاء والفوقية دي”.

وأشار :” محمد صلاح شخص في منتهى التواضع وده عن تجربة وتعامل معاه وده اللي محبب الناس فيه، ولو انت يا رامي مش واخد بالك إن فيه انقسام على تصرفات كتير لـ محمد صلاح يبقى بتحط راسك في الرمل لأن محمد صلاح بنى آدم في النهاية وكلنا بنغلط”.

وواصل ” إبراهيم” :” الفترة اللى فاتت ناس كتير جدًا مش مجمعة على تصرفات محمد صلاح زي الأول، والناس البسيطة اللى انت بتقلل منها دعواتها هي واحد من ضمن أسباب توفيق محمد”.

وأختتم “عبد الجواد” :” خاصة إن الناس دي بتقطع من قوت عيالها علشان تروح تتفرج على محمد صلاح، لكن انت بتحب محمد صلاح اه لكن في النهاية بتاخد فلوس من وراه، فبلاش تزايد على حب الناس في مصر لـ محمد صلاح”.

شاهد: