إبراهيم عبد الجواد ينفعل على الهواء بعد اتهام محمد صلاح بالهروب أمام غانا ..” انتقد اللى اتخن منه ولكن” – فيديو
رد الإعلامي إبراهيم عبد الجواد على الاتهامات التي طالت محمد صلاح نجم وقائد منتخب مصر بعد إصابته في مباراة غانا خلال منافسات بطولة كأس الأمم الإفريقية.
وكانت بعض الجماهير قد شنت حملة هجوم قوية على محمد صلاح قائد المنتخب المصري بعد خروجه مصابًا من مباراة منتخب مصر أمام غانا ضمن منافسات بطولة كأس الأمم الإفريقية
وتعرض محمد صلاح، قائد المنتخب المصري، للإصابة خلال مباراة مصر وغانا، في لقاء الجولة الثانية من منافسات المجموعة الثانية من بطولة كأس الأمم الأفريقية 2023 المقامة في كوت ديفوار.
وقال “إبراهيم” خلال تقديمه حلقة جديدة من برنامج “القاهرة – أبيدجان- على قناة ” أون تايم سبورتس 2 ” :” ناس كتير اتكلمت بعد إصابة محمد صلاح ودخلت في النوايا وقالت ده هرب وتعمد يسيب الماتش”.
ورد “عبد الجواد” على الاتهامات التي طالت محمد صلاح قائلا :” محمد صلاح مش في حاجة لدفاع مني أو من أي حد بدليل أرقامه مع منتخب مصر خلال السنوات الماضية، وأي حد ليه مطلق الحرية إنه ينتقد محمد صلاح واللى “اتخن منه” في الناحية الفنية أو الأخلاقية طالما بإحترام وأدب وأخلاق”.
وتابع :” حضرتك عندك شكل من أشكال الاحتقان أو مضايق من محمد صلاح بسبب موقفه من القضية الفلسطينية حقك برضوا وانت حر، مختلف مع محمد صلاح علشان كان وحش قدام موزمبيق والنهاردة قدام غانا دى حرية شخصية”.
وأكد “عبد الجواد” :” اللى مش طبيعي ومش منطق انك تدخل في نوايا بني آدم مش بيلعب في بير سلم تحت بيتهم، وهل انتوا مش متخيلين إن صلاح عارف لما يطلع مصاب الدنيا كلها هتقلب”.
وواصل :” محمد صلاح مش بالغباء علشان يعمل حاجة زي كده ويدعى الإصابة لأنها هتتكشف في ثانية وكله هيعرف، وايه اللى دخلك في النية وعرفت إن محمد صلاح هرب وساب الماتش”.
وعن مدة غياب “صلاح” أشار “عبد الجواد” قائلا :” الإشاعة هى اللى هتحدد مدة غياب صلاح عن المنتخب” مضيفًا :”رفقًا بالقواعد اللى احنا اتربينا عليها في بيوتنا، وهل من المنطق إن محمد صلاح اللى مدوخ إنجلترا كلها هيرهب من منتخب غانا ليه”
وتعادل منتخب مصر مع نظيره غانا بهدفين لكل منتخب في المباراة التي جرت مساء اليوم الخميس، على ملعب فيليكس هوفويت بواني، ضمن لقاءات الجولة الثانية من المجموعة الثانية ببطولة كأس أمم إفريقيا.
شاهد:
