إبراهيم فايق ينفعل ويفتح النار على الجميع بعد تعادل مصر أمام غانا .. “رايحين لـ كاب فيردي زحف” – فيديو

فتح الإعلامي إبراهيم فايق النار على الجهاز الفني واللاعبين في المنتخب المصري وذلك بعد التعادل أمام غانا ضمن منافسات بطولة كأس الأمم الإفريقية، مشيرًا إلي أن المنتخب قدم واحدة من أسوأ البدايات له في الأمم الإفريقية.

وكان منتخب مصر قد تعادل مع نظيره غانا بهدفين لكل منتخب في المباراة التي جرت مساء أمس الخميس، على ملعب فيليكس هوفويت بواني، ضمن لقاءات الجولة الثانية من المجموعة الثانية ببطولة كأس أمم إفريقيا.

وقال “فايق” :” حسابتنا كلنا قبل إنطلاق المجموعة إنك المباراة الأخيرة في المجموعة أمام كاب فيردي مش هنكون محتاجين ليها، وهنبقى في حالة من الراحة لكن يشاء ربك إنك بتوع كاب فيردي هو اللى يقول احنا مش محتاجين المباراة أمام مصر لأنه المتصدر وانت منتخب مصدر جايله زحف”.

وأشار :” الشوط الأول لمنتخب مصر أمام غانا كنا بلا هوية أو شكل ولم نقدم أي شيء في واحدة من أسواء البدايات لمنتخب مصر، وكنا نعتقد تحسن الأداء في مباراة غانا بعد الأداء السيء أمام موزمبيق”.

وأوضح :”منتخب غانا مش مرعب أو مخيف ده اتغلب من كاب فيردي لكنا احنا كنا زيزو، ثم دخل فينا الجون بسبب حالة “الزيرو” اللى كنا فيها، زي الشخص اللى مش مذاكر ودخل الامتحان وبقى غرقان مش عارف يعمل ايه”.

وأضاف “فايق” خلال تقديمه حلقة جديدة من برنامج “القاهرة – أبيدجان” على قناة “أون تايم سبورتس 2 ” :” فيتوريا في الشوط الأول كان حاجة تشل بلا أي حراك أو حلول وكان يتفرج على الماتش زيه زينا بالظبط”.

وتابع :” بين الشوطين اللاعيبة قعدت مع بعضها وقالت يلا بينا نلعب الشوط الثاني، لأن اللى شوفته الشوط التاني ده جدعنة من اللاعيبة مكنش نتيجة أفكار أو تخطيط من الجهاز الفني”.

وواصل “فايق” :” معلوماتنا إن تريزيجيه قعد مع كل لاعب في المنتخب بين الشوطين وقالهم إحنا خارجين ولازم نلعب ونموت نفسنا في الملعب ولما احنا بنعرف نعمل ده مش بنشوفه ليه”.

ووجه “فايق” رسالة نارية للاعبي المنتخب المصري قائلا :” احنا مش عايزين منكم غير تبقوا رجالة في الملعب، مش عايزين حاجة تانية، تموت نفسك في الملعب أيًا كانت النتيجة عاملة ايه، بس احس انك مموت نفسك في الملعب علشاني”.

شاهد: