ابراهيم سعيد يواصل الهجوم على طارق السيد ” ما خلاص بقى ” ويوجه رسالة نارية لعبدالواحد – فيديو
واصل ابراهيم سعيد مقدم برنامج بلس 90 ولاعب الاهلي السابق، هجومة على كابتن طارق السيد خلال برنامجه بعد تجديد عقد أحمد فتوح.
وقال ابراهيم سعيد عبر قناة النهار : ” كل ساعه اسمع واشوف تصريح لكابتن طارق السيد بيتكلم فيها عن فتوح سواء في التلفزيون ولا في الراديو ولا في البرامج “.
وواصل : ” ده كمان راح التدريبات وقعد مع شيكابالا علشان ازمة فتوح معاه، والحقيقة أنا مش فاهم ما خلاص إحنا عرفنا إنك زملكاوي جدا “.
وتابع : ” الأمور دي مينفعشي تحصل كده، في ناس مسؤولة عن اللاعب هي اللي ممكن تصرح بتصريح واحد او اثنين إن لزم الأمر، لكن كل ساعه بتصريح شكل، هل طارق السيد هو وكيل اعماله مثلا؟”.
وأضاف: ” انا برضوا بلوم الجهاز الفني لنادي الزمالك، لان الكلام ده كان لازم يبقى دوره من مدير الكرة كابتن عبدالواحد السيد”.
وشدد: ” بقول لكابتن عبدالواحد السيد، مفروض ان مشكلة شيكابالا وفتوح انتهت، فهل اي حد ينفع يطلع يعمل ايه حاجة ويقول اي حاجة”.
وأتم: ” أتمنى ان كابتن طارق السيد يبقى ليه دور الفترة الجاية في الزمالك، ويكون ليه منصب رسمي يتكلم من خلاله، او يتعين متحدث رسمي للعيبة وياحد موبايلتهم يتكلم هو بأسمهم وخلاص وكده نلغي دور عبدالواحد السيد “.
شاهد :
