ابوس ايديكم كفاية !! رضا عبدالعال يطلق تصريحات نارية بعد صعود مصر الي ثمن نهائي أمم افريقيا بصعوبة !! – فيديو

أبدي رضا عبدالعال ، غضبة الشديد بعد أداء منتخب مصر امام الرأس الأخضر في الجولة الثالثة من دور مجموعات بطولة أمم أفريقيا.

حيث قال رضا عبدالعال في تصريحات لبرنامج البريمو عبر شاشة قناة TEN الفضائية : مكانش فيه خطه دفاعية ولا هجومية ، منزل مصطفي فتحي اخر 10 دقايق مجهوده كان احسن من زيزو ومرموش.

وأشار : الناس عماله تقولك بعد خروج محمد صلاح المنتخب هيفك ، طب مفكش ليه النهارده ، وحمدي فتحي تايه في البطولة دي ملوش أي دور.

وشدد : مدرب الرأس الأخضر ، مريح كل اللعيبة وبيلاعبك بأقل مجهود ، ولو كسبوا مصر كأنهم اخدوا البطولة ، مش هيوصلوا للنهائي لأنهم فريق معندوش خبرة رغم انهم فريق محترم.

وأتم : عيب ، المجاملات لازم تنتهي زهقنا واتخنقنا والمصحف كنا هنموت النهارده ، أيام حسن شحاتة كنت بتبقي قاعد حاطط رجل علي رجل ، لازم المنظومة تتعدل ، ابوس ايديكم كفاية مجاملات.

شاهد الفيديو