يرى إبراهيم حسن نجم الكرة المصرية السابق أن رمضان صبحي نجم نادي بيراميدز يتعرض لحالة من الظلم بعد استبعاده من منتخب مصر مؤخرًا، مشيرًا إلي أن الأفضل للاعب الانتقال للأهلي خلال الفترة القادمة.
وقال”إبراهيم”: لدى قناعة بلاعب وعندى شعور إنه مداس عليه وكأن فيه قرار إنه يبقى مش موجود مع المنتخب وهو رمضان صبحي، ليه لاعب بالإمكانيات العالية دي يبقى مش موجود مع المنتخب، وحتى لو مصاب”
وبسؤاله هل الأفضل لـ رمضان صبحي يروح الزمالك والأهلي؟.. رد “حسن”:” بيراميدز نادي كبير وشايف إن ليه لا ميرجعش الأهلي، ولو الأهلي قافل الباب خالص ليه ميلعبش في الزمالك”.
وأضاف “حسن” خلال استضافته في برنامج ” اللعيب” على قناة “إم بي سي مصر” :” بس اية المانع اللى يخليه ميرجعش الأهلي!!، ده لاعب كان صغير وقت ما خد قرار انه يمشى من الأهلي واحنا في عصر احتراف”.
وواصل :” هو كان لاعب صغير في السن وكان الإغراءات كتير عليه ويمكن خد قرار غلط، وكل واحد بيكون ليه قرار منفصل وطموح وقرار مختلف، ويمكن التعامل معاه وقتها في الأهلي مكنش بالشكل المناسب في فترة التفاوض معاه”.
وأختتم “حسن” :” أنا شايف إنه لو رجع الأهلي أفضل ليه من الزمالك لأنه اتربي في الأهلي، لكن لو الأهلي قافل الباب .. فهو مفيد للزمالك وفي نفس الوقت الزمالك مفيد ليه”.
شاهد:
