ايمن يونس يفتح النار بعد أزمة مغادرة محمد صلاح معسكر منتخب مصر في كوت ديفوار – فيديو

انتقد ايمن يونس نجم الزمالك السابق ، الهجوم علي محمد صلاح قائد منتخب مصر ، بعد قرار مغادرة معسكر منتخب مصر في كوت ديفوار أثناء بطولة أمم أفريقيا من أجل تلقي العلاج مع ناديه.

حيث قال أيمن يونس في تصريحات لقناة الحدث اليوم :  فيه ناس مش مننا عايشين وسطينا وفيه ناس مبيحبوناش وفيه ناس مبيحبوش نجاحك وفيه ناس مبيحبوش يشوفوا نموذج ناجح زي صلاح لما يبتدوا يصطادوا في الماء العكر.

وشدد : محمد صلاح كبير أوي وأكبر من المهاترات وهو الوردة اللي بنتعايق بيها في العالم كله وبنفخر به، وراجل أعطى لمنتخب مصر في 13 سنة وتاني هداف في تاريخ الكرة المصرية.

وزاد : واحنا بنثق فيه لما يقول انه مصاب، منقدرش نخون صلاح لإن لو خوننا صلاح يبقى مفيش حد له قيمة في مجتمعنا دي ناس ليها قيمة وصلاح قيمته كبيرة أوي وهو قدام نفسه شايف قيمته قبل ما يشوفها في عيون الناس.

وأشار: الأب الشرعي لمحمد صلاح هو اتحاد الكرة وأول واحد يطمئن عليه ويخاف عليه هو الاتحاد اكتر من أي نادي، وهو احسن لاعب في العالم لذلك كان المفروض نتفاوض ونجيبله أحسن دكتور في العالم.

وأتم: روح محمد صلاح محترمة ورياضية لما يقول عايز اجهز والعب النهائي لو تأهل المنتخب دي شخصية محترمة، الناس اللى بتقوم بالتشويه والمتطرفين واللي يقولك اصل لما صلاح اعلن انتمائه لنادي في مصر النادي التاني بيشتغل عليه ومش طايقه كل ده كلام هواء وصغير أوي لا يليق بمجتمعنا.

شاهد الفيديو