علق مجدي عبد الغني، نجم الكرة المصرية السابق، على خروج منتخبنا الوطني من بطولة أمم إفريقيا، بعد الخسارة أمام الكونغو الديموقراطية في دور ثمن النهائي.
وقال مجدي عبد الغني في تصريحات تليفزيونية عبر قناة”mbc مصر”: “لا الكونغو فرقه تستحق انك تخسر منها ولامصر تستحق تكسب، الفرقتين يستحقوا الخساره وبيلعبوا بطريقه واحده ومفيش اي جمل فنيه”.
وأردف:” احنا بلا خطه ولا تكتيك طول البطوله، ورايح تلعب في مجموعه بها تصنيف 3 و4 ويتفوقوا عليك، وانت تحارب علشان تطلع”.
وتابع عبد الغني:” انت استعديت ازاي للبطولة؟، مباريات ودية ضعيفه، المباراة الوحيده اللي قولنا جامده كانت الجزائر وطلعت مش جامده لانها خرجت من البطولة”.
واشار: “لاعندنا دوري منتظم ولا نظام ولا في تطبيق لوائح العالم كله في سكه واحنا في سكه اذا مرجعناش ننظم نفسنا مش هنرجع”.
وةاصل عبد العني:” بطولة الدوري فريق يلعب كل يومين ماتش، وفريق ثاني كل شهر ماتش، وثالث كل 3 ايام، مايحدث لايفرز لاعبين”.
وأختتم: “احنا الدوري المصري عندنا ضعيف، وبندفع فلوس اكثر من المغرب والجزائر ودول في اوروبا، يبقي اللاعب ليه يحترف”.
