تعليق ناري غير متوقع من سيف زاهر علي أزمة مغادرة محمد صلاح معسكر منتخب مصر في كوت ديفوار !! – فيديو

علق الإعلامي سيف زاهر ، علي أزمة مغادرة محمد صلاح معسكر منتخب مصر في كوت ديفوار أثناء خوض بطولة أمم أفريقيا.

حيث رفض سيف زاهر انتقاد اللاعب ، مؤكداً أن اتحاد الكرة المصري ، هو من أخطأ ، والسبب في تلك الأزمة.

حيث قال سيف زاهر مقدم برنامج CAN2023 المذاع عبر شاشة قناة أون تايم سبورتس الفضائية : محمد صلاح أخطأ ؟ إتحاد الكرة أخطأ ؟ التوقيت كان غلط ؟ كل دا هنجاوب عليه.

وأشار : بعض أعضاء اتحاد الكرة بيقولك مش متابعين! ، التوقيت دلوقتي بحساب ، التوقيت خاطئ ، الناس في ليفربول تتعامل بدون عاطفه ، المخطئ هو إتحاد الكرة، الموضوع مش سهل ، فيه مباحثات مع ليفربول من اول دقيقه وكان فيه إتفاق يرجع بعد ماتش الرأس الأخضر.

وشدد : إتحاد الكرة كان هيعلن بعد مباراه الرأس الأخضر ، لكن خلاص ليفربول أعلن أن صلاح راجع ، فيه ناس هتقطع في صلاح وليفربول لكن بالنسبالي توقيت الحديث في القصة دي غلط ، توقيت الحديث غلط سواء بالايجاب أو السلب.

واستكمل : القصة اتقفلت وتتفتح بكرا وبعده، ما يخص إتحاد الكرة المصري ، ارجو حضراتكم ايدكم معانا شوية ، احنا بندعم ، ارجو حضراتكم التزموا الصمت ، ارجوكم التزموا الصمت ، متردش علي الصحفيين ، في دلوقتي شغلانه تانيه بتحصل وهي الدعم .

وزاد : ربنا يشفي صلاح لكن في التوقيت إللي قاعد فيه دلوقتي انا عندي الأهم من مشكلة صلاح وهو مباراة بكرا ، منتخب مصر حتي الأن موصلش البطولة ،الاداء إللي انا شوفته حتي الأن منتخبنا مش موجود.

وأكد : وحصل اتصال بيني وبين لاعبي المنتخب وعارفين زعل الناس ، وعايزين يصالحوا الناس، انا جاي برسالة من لاعبي المنتخب الوطني ، قالوا زعل الناس فوق دماغنا من فوق .

وأتم : الترند أن انا اهاجم واخبط هي دي المصلحة ، حد قالي لو ساندت المنتخب هتخسر الناس، والله لو هبطل الشغلانه ما هعمل غير الصح.

شاهد الفيديو