مجدي عبد الغني يحرج جمال عبد الحميد علي الهواء ! صفقاتكم خلت الزمالك شكله وحش !!-فيديو

نشب خلاف حاد بين جمال عبد الحميد عضو مجلس إدارة الزمالك السابق، ومجدي عبد الغني لاعب الاهلي الاسبق علي الهواء بسبب الفارس الابيض.

واثناء تواجد جمال عبد الحميد ومجدي عبد الغني في ضيافة مدحت شلبي عبر قناة “mbc مصر” إحتد النقاش بينهم بڜأن الزمالك وصفقاته وقت تواجد عبد الحميد في مجلس الإدارة السابق.

وقال جمال عبد الحميد ردا علي سؤال هل كان لك دور في الزمالك:” كنت المنسق العام على الكرة، وكان لي دور مع الفريق، لو كنت قلت هنجيب صفقات ولم اعلن عنها كانوا هيقولوا ملكش دور ليه، ولو اتكلمت هيقولوا بتطلع اسرار الفريق”.

وتابع: “طبعا كنت مشارك في قرار بيع امام عاشور، كان متبقي له سنه في عقده، ويحق له التوقيع بعد 6 شهور لاي نادي، وقعدنا معه ليجدد ورفض، وقال نفسي احترف وواحد مش عاوزك هتضربه وقررنا ناخد 90 مليونمن بيعه”.

ووجه الإعلامي مدحت شلبي سؤال لجمال عبد الحميد قائلا:” ليه مفيش نسبه من اعادة بيع امام عاشور، وانه يرجع على الزمالك؟”.

ليرد عبد الحميد:” لايوجد في العقود الدوليه بند انه لازم يرجع على الزمالك”.

وهنا تدخل مجدي عبد الغني واكد: “العقد الدولي من حقك تكتب فيه ماشئت وما وضع يسري على الطرفين، الفترة دي المستشار مرتضى كان بيدير بشكل معين، وكلهم كانوا متفقين علي كده، وجمال ادي دوره وفي صفقات عليها علامات الاستفهام ولاتليق بالزمالك زي سامسون”.

ليجيب جمال:” سامسون لو لعب4 او 5 ماتشات هيبقى هداف مصر والزمالك، هو لاعب جيد جدا ولو لعب زي سيف الجزيري هيجيب اهداف، فلافيو قعد قد ايه قبل ما مستواه يكون كويس”.

وأردف: “مصطفى شلبي الجمهور زعل بسبب تعاقدنا معاه، ولكن لما لعب وتالق الجمهور زعل لما اتصاب”.

وعاد وقال مجدي عبد الغني:” لماذا لم تتحدث مع المدير الفني عن عدم مشاركة الاعبين؟”.

ورد جمال: “احنا عملنا الصح ومفرضناش على المدير الفني انه يلاعب حد ومتقدرش تقوله لاعب سامسون و في لاعب بيجيب اهداف، ناصر منسي جبناه في يناير واتحاد الكره عمل الواجب ومسجلوش غير بعد ماخرجنا من افريقيا”.