شن إبراهيم سعيد مقدم برنامج بلس 90، هجوما قويا على لاعبو الأهلي السابقين بسبب عرض مشاكلهم على الهواء خلال الفترة الماضية.
وقال ابراهيم سعيد عبر قناة النهار : ” اللي عمله احمد حسن ده امر غير مقبول، ده فاتح برنامجه علشان يعمل مشاكل بين ابناء جيله ”
وواصل : ” يعني أنت جايب الجيل بتاعنا يخبط في بعض على الهواء في برنامجك، في الفترة الاخيرة احمد حسن عمال يستضيف لعيبة وبيخليهم يوقعوا في بعض “.
وتابع : ” انا هنا هتكلم على نجوم الأهلي السابقين كابتن محمد شوقي وسيد معوض والموضوع اتكرر مرتين، واللي فهمته ان كان في وعد من محمد بركات وكابتن حازم امام بمنصب معين لما جم اتحاد الكرة وده محصلشي “.
وأكمل : ” احمد حسن جاب محمد شوقي ووقعه في محمد بركات وحازم امام ونفس الكلام اتكرر مع سيد معوض “.
واضاف : ” أنا برضوا الوم كابتن حازم امام ومحمد بركات كانوا قعدوا معاهم قعده والموضوع كان خلص واتحل، لكن اللي استنتجته ان محدش رد على اتصالاتهم ولا رسائلهم ويمكن ده سبب الازمة الحقيقة “.
وشدد : ” بقول لاحمد حسن عيب لما تجيب الجيل بتاعنا يخبط في بعضه على الهواء، وشوف طرق اسئلة جديدة في برنامجك، حد يعمل برنامجه للمشاكل !”.
وأتم : ” أنا عمري ما اخبط في زميلي، يمكن انت الوحيد اللي خبطت فيه لانك اللي بدأت ومعرفشي ايه مشكلتك مع الجيل ده، احنا كلنا وشربنا ولعبنا مع بعض ولازم نحترم بعضنا على الهواء وقدام الشاشة، واتمنى انك تلغي الفقرة بتاعتك دي خالص “.
شاهد :
