سوبر الزمالك الإفريقي يقتحم خناقة إمام عاشور ورضا عبدالعال بتعليق ناري من قناة الأهلي – فيديو
هاجمت قناة الأهلي عبر برنامج ملك وكتابة من تقديم ابراهيم المنيسي وعدلي القيعي، رضا عبدالعال بعد تصريحاته الأخيرة ضد إمام عاشور “.
وقال إبراهيم المنيسي : ” لما يطلع رضا عبدالعال يقول ان الاهلي اشترى امام عاشور كيد نسا، يعني هو الاهلي لو مش محتاج اللاعب هيشتريه ليه؟”.
وتابع : ” بيقولك ان اللاعب وشه نحس والاهلي خسر بطولات، طيب أنت أول مباراة شاركتها في القمة معانا لما جيت من الزمالك خسرنا السوبر الإفريقي في جنوب إفريقيا، كنت وشك نحس يعني “.
وواصل : ” الكلام عن إمام عاشور في المنطقة دي، لو في مدرب هيشتغل بالدجل والشعوذه ده يبقى مش مدرب ليقاطعه القيعي، إمام عاشور من أقوى الصفقات اللي جت الاهلي في القعد الاخير “.
وقال القيعي عبر شاشة الاهلي : ” كان في لعيبة عمرها ما غلطت حد ولا كانت بتتكلم، وتتفاجئ إنها كانت بتخر دم علشان الزمالك “.
وتابع: ” اللي بيقول الاهلي شغال كيد نسا ومصدر الاموال لازم يحاسب، في ناس عايزة تبان انها مختلفة فبتقول اي كلام، علشان عارفين انهم مش هيحتاسبوا “.
وأضاف : ” الكلمة الجديدة اللي طالعه الكوبري الكوبري على قصه امام عاشور ، هو في كوبري بـ3 مليون دولار!”.
وأتم: ” هو لو كان مجلس الاهلي مباعشي حمدي فتحي في قطر، وعوضه باللاعب ودفع فيه 3 مليون، ويطلع ناس تقولك صفقات كيد نسا، هما بيريحهم الكلام ده بيقولوه”.
شاهد :
