كشف الإعلامي سيف زاهر ، حقيقة تدخل محمد الشناوي ومحمود كهربا لاعبي الأهلي من أجل منع إتمام تعاقد الأحمر مع محمد ابوجبل حارس البنك الأهلي ومنتخب مصر.
حيث قال سيف زاهر مقدم برنامج CAN2023 المذاع عبر شاشة قناة أون تايم سبورتس الفضائية : اتقال الشناوي قفش وشوبير قفش وكهربا زعل بعد تعاقد الأهلي مع ابوجبل ، ايه اللي حصل في قصة ابوجبل ؟ الناس عماله تحرق بنزين من امبارح وفي النهاية مفيش موضوع أصلا ، الموضوع كان مجرد كلام.
واكد : النادي الأهلي فيه رؤية ان ابوجبل ومحمد بسام وعلي لطفي يكون فيه مفاضله بينهم.
واضاف : اللي حصل بين الأهلي والبنك الأهلي ، كان امير توفيق اللى بيخلص وبيجس النبض ، لجنة التخطيط اخدت النهارده قرار ايه هو ؟ كله بيجتهد ولو قلتلك علي أي قرار خدوه هبقي بجتهد.
واستطرد : لا الشناوي ولا شوبير يعرفوا ايه اللي بيحصل ولا أصحاب قرار ، ولا يجرأ حد فيهم يقول دا يجي ودا لا.
وزاد : نادي زد موقفه مختلف مع الأهلي ، فيه تعاون قوي بينهم ، واي حاجة بينهم هتكون سهله وبسيطه.
وأتم : كل اللي بيتقال اجتهادات محدش عنده معلومة، الأهلي ملك الترقيص ومحدش يعرف القرار اللي اتاخد ، ممكن يكون فيه قرار بعدم التعاقد مع حارس أخر ، كل شئ وارد.
شاهد الفيديو
