في مقدمة تاريخية .. إبراهيم فايق يرفض الهجوم على لاعبي منتخب مصر ويفتح النار على فيتوريا واتحاد الكرة – فيديو

رفض الإعلامي إبراهيم فايق الهجوم على لاعبي منتخب مصر بعد الخروج من منافسات بطولة كأس الأمم الإفريقية بعد الخسارة أمام الكونغو الديمقراطية، مشيرًا إلي أن البرتغالي فيتوريا والسياسات الخاطئة لاتحاد الكرة هي السبب الرئيسي في خروج الفراعنة.

وكان منتخب مصر قد ودع منافسات كأس أمم إفريقيا 2023 بعد الخسارة ضد الكونغو الديمقراطية، إلى ركلات الترجيح، بعد انتهاء الشوطين الأصليين والإضافيين بالتعادل الإيجابي 1-1 على ملعب لوران بوكو، في ثمن نهائي بطولة كأس الأمم الإفريقية 2023 بكوت ديفوار.

وقال “فايق” :” واحدة من أصعب النسخ التي قدمها منتخب مصر خلال 4 مباريات، بسم أقسم بالله مفيش حرقة دم أكتر من كده كأني عايش في نسخة 2019 بنفس السيناريو”.

وأشار :” احنا المنتخب الوحيد اللى مكسبش ماتش في البطولة، انا حسيت اننا بنلعب فرنسا والأرجنتين الماتش كان سهل وفي المتناول، إحنا معملناش حاجة في أي حاجة”.

وأضاف “فايق” خلال تقديمه حلقة جديدة من برنامج “القاهرة – أبيدجان” على قناة “أون تايم سبورتس 2 ” :”إحنا منظمة ماشية غلط عايز تدخل معطيات غلط عمرها ما تديك نتائج صحيحة، هل ده شكل منتخب مصر”.

وتابع :” إحساسي إن لاعبى منتخب مصر مظلومين انا شايف ان اللاعيبة مموته نفسها في الملعب بس مش بيتحركوا جوة سيستم، التقصير عند المدرب مش اللاعبين، واحنا دخل فينا 7 أجوان حزن والله، أما الأجوال بتاعتنا اللى جبنها من باب يلا كله على الله”.

وواصل”فايق” :” هل مكتوب علينا الشقى ومينفعش يفوز، وهل منتخب الكونغو ده منتخب مرعب، وأنا لم ولن أقلل من قيمة لاعيبة منتخب مصر، اللاعيبة لم يدخروا جهدًا حتى محمود حمادة اللى الناس بتهاجمه مش بتاعته”.

وأكمل :” هذه المنظومة بالكامل آن الآوان أن يحدث فيها تعديلات وانا قلت من أول سيكون هناك كشف حساب للكل وبدون أي استثناء وكان عندنا أخطاء إدارية لا حصر لها”.

واستطرد :” فيتوريا مدرب يملك سيرة ذاتية كبيرة لكن على مستوى منتخب مصر عنده تغريبه ومستغرب الأجواء في أفريقيا ولديه أفكار مبتوره طوال البطولة”.

وأختتم “فايق” :” مفيش حد في البلد دي قصر مع المنتخب واوعى تفتكر إن السياسات العشوائية هتكون النتيجة بتاعتها إنك تنجح لان لو كده مكنش حد غلب”.

شاهد: