قناة الأهلي تخرج عن النص بفقرة ” شغل النسوان الرياضي .. وبعدين بقى يا هجاصين ” – فيديو
خرجت قناة الأهلي عن النص عبر برنامج ملك وكتابة من تقديم ابراهيم المنيسي وعدلي القيعي، بعد تخصيص فقرة بإسم ” شغل النسوان الرياضي .. وبعدين بقى يا هجاصين ” .
وقال ابراهيم المنيسي عبر قناة الأهلي : ” مصطلح شغل النسوان الرياضي ده اللي قالة الاعلامي تامر امين عبر قناة النهار ردا على الهجاصين خلال الفترة الماضية”.
ورد عدلي القيعي : ” تامر امين مقلشي اسامي، بس الناس عارفه، لان البرامج بقت نفس التوجه ونفس الاسلوب “.
وواصل : ” كان في لعيبة عمرها ما غلطت حد ولا كانت بتتكلم، وتتفاجئ إنها كانت بتخر دم علشان الزمالك “.
وتابع: ” اللي بيقول الاهلي شغال كيد نسا ومصدر الاموال لازم يحاسب، في ناس عايزة تبان انها مختلفة فبتقول اي كلام، علشان عارفين انهم مش هيحتاسبوا “.
وأضاف : ” الكلمة الجديدة اللي طالعه الكوبري الكوبري على قصه امام عاشور ، هو في كوبري بـ3 مليون دولار!”.
وأكمل: ” هو لو كان مجلس الاهلي مباعشي حمدي فتحي في قطر، وعوضه باللاعب ودفع فيه 3 مليون، ويطلع ناس تقولك صفقات كيد نسا، هما بيريحهم الكلام ده بيقولوه”.
وقال المنيسي : ” لما يطلع رضا عبدالعال يقول ان الاهلي اشترى امام عاشور كيد نسا، يعني هو الاهلي لو مش محتاج اللاعب هيشتريه ليه؟”.
وتابع : ” بيقولك ان اللاعب وشه نحس والاهلي خسر بطولات، طيب أنت أول مباراة شاركتها في القمة معانا لما جيت من الزمالك خسرنا السوبر الإفريقي في جنوب إفريقيا، كنت وشك نحس يعني “.
وأتم : ” الكلام عن إمام عاشور في المنطقة دي، لو في مدرب هيشتغل بالدجل والشعوذه ده يبقى مش مدرب ليقاطعه القيعي، إمام عاشور من أقوى الصفقات اللي جت الاهلي في القعد الاخير “.
شاهد :
