مدرب وحش !! ايمن يونس يفتح النار على فيتوريا بعد نتائج منتخب مصر في أمم أفريقيا

أبدي ايمن يونس نجم الزمالك السابق ، استيائه من المدرب البرتغالي روي فيتوريا المدير الفني لمنتخب مصر بسبب نتائج مصر في دور مجموعات بطولة أمم أفريقيا.

حيث قال ايمن يونس في تصريحات لبرنامج البريمو عبر شاشة قناة TEN تقديم الإعلامي محمد فاروق : المنتخب يعاني من غياب التفاهم والانسجام بين اللاعبين،كيروش كان ملائم لمنتخب مصر وكان يقدر يصنع مستقبل ، هرب لما واجه سيتسم غلط.

وزاد : فيتوريا معندوش خبرات افريقيه، لذلك نجاحه صعب ، هو بيكون خبرات عندنا علشان بعد كدا يروح يشتغل عند حد تاني.

واستطرد : لو انا مسئول هقيم علي درجة التطور الفني بتاعه ، احنا بننضرب من نص الملعب الدفاعي، احنا بندافع من جوا ال18، مينفعش نقول خط الدفاع وحش ، فيتوريا هو اللي وحش ، زي ما خلي محمد صلاح يلعب في العمق وبقي شكله وحش ، وساب النني لوحده في نص الملعب .

وأكد : الراجل دا مناخيره فيها عنجهيه، هو مش عارف قيمتنا وحقيقتنا ، احنا ناس لينا شخصيتنا.

وأتم : الأب الشرعي لمحمد صلاح هو اتحاد الكرة والاتحاد مقامش بدوره ، بنهاجم صلاح ليه دا نجم كبير وعالمي ، العالم كله متعاطف مع صلاح ، وانت بتقول لما بيخرج بنلعب كويس ، ونخونه ، كلام لا يليق.