كشف معتمد جمال المدير الفني للزمالك، عن رسالة حسين لبيب رئيس النادي، له بشأن أحاديث المفاوضات مع مدير فني أجنبي ورحيله عن تدريب الفريق.
وقال معتمد جمال في مداخله هاتفية ببرنامج “اللعيب” عبر قناة “mbc مصر” : تعاملي حول مفاوضات الزمالك مع مدربين أجانب ؟ “والله الموضوع بالنسبالي اقدر اسيطر عليه لكن ممكن يعمل تأثير على اللعيبة نفسها أكثر مني”.
وتابع:” أنا عندي 51 سنه وشغال وتحت امر نادي الزمالك في اي حاجه، ولا عمري انكر فضلهم عليا “.
وواصل : “لما سألت كابتن حسين لبيب عن احاديث التفاوض مع مدربين اجانب نفى ليا الكلام ده تماما وقالي لو في قرار رسمي بكده أنا هعرفك قبلها”.
واضاف معتمد جمال: “أنا مسكت الزمالك في وقت صعب جدا والدروب اللي حصل في مباراة المصري كان بسبب ضغط المباريات لأننا مقدرناش نعمل روتيشن لكننا عملنا انطلاقه كويسه جدا”.
واتم:” واي تعثر بيكون جماهير الزمالك زعلانه طبعا وده حقهم لكن الفترة الجايه بنوعدهم ببذل أقصى جهد لأنهم أصحاب الفضل عليا”.
