ميدو يفتح النار على فيتوريا ولاعبي منتخب مصر بعد التعادل أمام موزمبيق في أمم إفريقيا – صورة

علق أحمد حسام ميدو نجم نادي الزمالك السابق على أداء منتخب مصر أمام موزمبيق بعد التعادل المخيب للآمال في افتتاح مشوار الفراعنة ببطولة كأس الأمم الإفريقية.

وانتهي اللقاء الذي جمع منتخب مصر أمام موزمبيق بالتعادل الإيجابي بهدفين في شباك كل منتخب، بالجولة الأولي من دور المجموعات لمسابقة كأس الأمم الأفريقية 2023، التي أقيمت على ملعب فيليكس هوفويت بكوت ديفوار.

وكتب “ميدو” عبر حسابة الرسمي على منصة “x” :” مباراة سيئة جدا من منتخبنا ماعندناش أي حلول لاعيبة نص الملعب لا بيدافعوا ولا بيهاجموا باكين الجنب التلاته اللي لعبوا مش عارفين يرفعوا ولا كورة صح”.

وأشار :” مفيش ضغط عليهم المهاجمين واقفين في العرضيات ماحدش فيهم بيحاول يقطع قبل المدافعين امام عاشور نازل قرفان و بيلعب على الهادي خالص كأننا كسبانين”.

وتسائل “ميدو” :” ازاي كهربا يبقى بره واحمد حسن كوكا هو اللي ينزل؟ ليه في الزحمه دي مصطفى فتحي مانزلش؟ اسوأ مباراة لڤيتوريا مع المنتخب..مباراة كلها اخطاء من المدرب!!”.

وتابع :” ربنا ستر النهارده وطلعنا متعادلين و النقطة اللي اخدناها النهارده هي الحسنة الوحيدة في الماتش..الماتش اللي جاي مش محتاج تأليف لازم نلعب ٤-٣-٣ ولازم نبقى منظمين وكل اللاعيبة تلتزم بأدوارها الدفاعية..كم اللاعيبة اللي بتتمشى بعد ما الكورة بتتقطع مننا مرعب!!”.