وصلة هجوم ناريه من مدحت شلبي على اتحاد الكرة وفيتوريا بعد خروج المنتخب من أمم إفريقيا..”استقيلوا”- فيديو

فتح الإعلامي مدحت شلبي، النار على اتحاد الكرة والبرتغالي روي فيتوريا المدير الفني لمنتخب مصر بعد خروج الفراعنه من بطولة أمم إفريقيا.

وقال مدحت شلبي في تصريحات تليفزيونية عبر قناة”mbc مصر”: “بصرف النظر عن خروجنا بركلات الترحيج، منتخب مصر لم يحقق اي فوز خلال البطوله، لايمكن ان يكون هذا منتخب مصر، ربنا اراد بنا خيرا كان ممكن نخرج امام المغرب أوالسنغال، المؤشرات منذ البدايه تدل على مالت البه الامور”.

وتابع:” انت لم يكن لديك مدير فني قادر على التعامل وبيألف في كل مباراة، اليوم بتلعب مباراة ولا يوجد احساس انك ممكن تفوز مباراة سيئه بكل ماتحمل الكلمه من معنى “.

واضاف شلبي:” ولما تسأل فيتوريا ايه الحكمه تبدا بفتوح، انت لما لعبته الماتش قبل اللي فات خرجته ولعبت حمدي، وكل التوقعات كانت بتقول محمد حمدي فجأة فتوح، الكره مفيهاش فلسفه، مش عاوز اكون قاسي على فتوح وهو 3 شهور عنده مشاكل ومبيلعبش”.

وشدد: “على اتحاد الكرة ان يستقيل هو وفيتوريا، وعملي مشروع لـ2026 مع فيتوريا، اللي بياخد 200 الف يورو في ده كيروش كان بيأخذ75 الف ووصلنا نهائي إفريقيا”.

وواصل شلبي:” احنا مشوفناش حاجه شوفنا ترهل واداء مفكك، مبنكلمش علشان العجل وقع والسكاكين كترت، لا ده منتخبنا وخرج صفر اليدين ولايملك شخصيه، ومعندوش اتحاد كرة ولامديرفني”.

وأختتم: “على اتحاد الكره ان يرحل ومسألة المشروع ده مشروع ميكروباص الجيزه، فيتوريا مش مشروع ده توك توك، اوعى حد يقول يستمر وعليهم الاستقالة لم يحسنوا العمل خالص”.