رد محمد ابوجبل حارس مرمي البنك الأهلي ومنتخب مصر ، على حقيقة مفاوضاته مع النادي الأهلي أثناء انتظامه في معسكر منتخب مصر لخوض بطولة أمم أفريقيا.
وقال محمد ابو جبل عبر قناة cbc : محصلشي اي تواصل بيني وبين الأهلي نهائيا في معسكر منتخب مصر.
وأشار : محصلشي اي تدخل من اي لاعب علشان اروح للأهلي.
وشدد : أنا طالع أوضح الكلام ده ومينفعشي يتقال عليا كده وانا بمثل مصر ، واروح افكر في مصلحتي.
وأكد : محصلشي اي تواصل معايا من الأهلي لضمي و والتواصل كان مع البنك الأهلي.
واستطرد : أنا اتكلمت مع الناس في البنك الأهلي لما رجعت مصر وقالولي أن الأهلي كلمنا وكانوا عايزينك واحنا ادينا موافقه ولكن أنا لا مضيت ولا حد كلمني.
وشدد : المفاوضات كلها كانت في القاهرة بس بين الأهلي والبنك الأهلي.
وزاد : مينفعشي يتقال أن الأستاذ خالد الدرندلي تدخل عشان اروح الأهلي أو اي لاعب ، عيب، احنا بنمثل مصر ومحدش هيعمل كده وانا طالع بوضح الكلام ده.
وتابع : اي علاقتك بمحمد الشناوي علشان الناس بتقول في توتر ما بينكم ؟محمد الشناوي زميلي في المنتخب وعلى علاقة بين من خمس سنين.
وأتم ::محصلشي بينا اي خلاف نهائي ومفيش اي مشكله بينا، محمد الشناوي حارس كبير ومحترم وبكن ليه كل احترام وتقدير وهو كذلك.
شاهد الفيديو
