إبراهيم عبدالجواد يوجه رساله مثيره للاعب الزمالك.. ” اللي ملوش خير في أهله.. ملوش خير في حد ” – فيديو

رد الإعلامي إبراهيم عبد الجواد على تصريحات ناصر ماهر لاعب وسط نادي الزمالك المنتقل حديثًا إلى صفوف القلعة البيضاء، والتي تحدث خلالها عن جماهير الفارس الأبيض بالمقارنة مع جماهير الأهلي.

وكان ناصر ماهر نجم وسط نادي الزمالك الجديد، قد أثار حالة من الجدل بعد تصريحاته خلال الساعات الأخيرة عن الفارق بين جماهير الزمالك مقارنة مع جماهير الأهلي.

وقال “إبراهيم” :” استوقفني اكثر من نقطة في كلام ناصر ماهر خالفه التوفيق فيها أولها إن الأهلي مفهوش أساطير زي الزمالك”.

وكان ناصر ماهر قد صرح قائلا :” الزمالك فيه أساطير زي عبدالله السعيد وشيكابالا ومحمد عبد الشافي بخلاف الأهلي اللى فيه نجوم ”

وأشار :”طب بالنسبة لـ محمد الشناوي ايه ظروفه !!.. حارس منتخب مصر الأول بقاله 6 سنوات وأكل الأخضر واليابس مع النادي الأهلي، وأحمد فتحي اللى مقفل اللعبة”.

وأضاف “عبد الجواد” خلال تقديمه حلقة جديدة من برنامج “الهدف” على قناة “أون تايم سبورتس 2 ” :” اللى ملوش خير فى أهله ملوش خير في حد، واللى ملوش خير في النادي اللى رباه عمره ما هيكون فيه خير في النادي المنتقل اليه”.

وتابع :” الكلام ده يخليك تكسب عقول بعض الجماهير لبعض الوقت، لكن صدقني اللى يخليك تكسب حب واحترام جماهير الزمالك هو تعبك ومجهودك جوة الملعب وتحقيق البطولات ده اللى هيخليك في قلوبهم لابد الدهر”.

وواصل ” عبد الجواد” :” لكن مهما تقول من قصف جبهات وتصريحات عنترية لو مستواك مش كويس الجماهير دي أول ناس هتطالب برحيلك عن الفريق”.

ووجه “عبد الجواد” حديثه الناري لـ ناصر ماهر قائلا :”مكنتش تقدر تقول الكلام وانت في الأهلي لان ده أكل عيشك، نفس الكلام ده حصل مع إمام عاشور وتصريحاته بعد انتقاله للأهلي”.

وشدد ” عبد الجواد” :” لازم نعرف إن الجمهور ذكي وعارف كل حاجة، الناس هتحترمك لما تكون بترضي ربنا فى المكان اللى انت فيه، والجمهور عرف ناصر ماهر من خلال الأهلي وإمام عاشور من خلال الزمالك، فـ احترموا عقليات الجماهير”.

شاهد: