إبراهيم عبد الجواد يفتح النار على لاعب الأهلي بعد احتفاله غير الأخلاقي أمام الزمالك – فيديو

فتح الإعلامي إبراهيم عبد الجواد النار على محمد رأفت مهاجم فريق 2005 في الأهلي، بسبب احتفاله غير الأخلاقي بعد إحرازه هدف في شباك الزمالك في قمة دوري الجمهورية بين القطبين الزمالك والأهلي.

وشهدت مباراة الأهلي والزمالك مواليد 2005، احتفالا مثيرا للجدل، من قبل محمد رأفت مهاجم الفريق الأحمر بعد الهدف الثاني، في مرمى الفارس الأبيض.

وقال ” إبراهيم” :”لاعب فريق 2005 في الأهلي بعد تسجيله لهدف في شباك الزمالك عمل لقطة مش حلوة ومش جميلة و مش لطيفه، وملهاش علاقة بتقاليدنا أو أخلاقنا في المجتمعات الشرقية”.

وأشار :” عايز تبين انك نسر الأهلي.. طب ما انت كسبان الزمالك على أرضه، انت لسة 20 سنه، امال لما تكشب نهائي أفريقيا أو بطولة كبيرة قدام الزمالك هتعمل ايه”.

وأضاف “عبد الجواد” خلال تقديمه حلقة جديدة من برنامج ” الهدف” على قناة “أون تايم سبورتس 2 ” :” اللى يغيظك اكتر ان اللاعب حاول تبرير اللى عمله وقال إن ده احتفال عادي بيحصل في بلاد بره !!”.

وواصل :” مش كل حاجة بتحصل في بلاد بره تبقى صح، هما مثلا عندهم تجارة المخدرات في الشارع متاح هل هتبقى زيهم؟، ومش كل حاجة في بلاد بره تبقى صح، وبقوله لازم تاخد بالك يا محمد وده احتفال لا يليق”.

وفاز الأهلي “مواليد 2005″، على نظيره الزمالك، بهدفين دون رد، في المباراة التي جمعتهما، ضمن منافسات بطولة الجمهورية، على ملعب “الزمالك”، في ميت عقبة.

شاهد: